ATÜNNAK 4:8 - Cho Bible Common Language 2016

⁸ Kain naw anau Abel am, “Lo ah ni hteit kaw” ci sei, lo ah hteit ni neta, Kain naw a nau cu ng’hlah shi ne ngawn ci.

ATÜNNAK 4:8 Referans Kwoze

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

MATTHE 23:35

Cun ah kyasei katnak kä bik ci gui ah Abel ung tün na, pum im la mamgkiang ah ng’lak ung nami ngawn ah Berachiah ah hta Zachariah ung khüt khai ah, nami ngawn gui ah hmawk ah shetkat nak nami gah khai.

LUKA 11:51

Abel ami ngawn ungka naw, mangkiang la hmun theingcim ah ng’lak ung ami ngawn ah Zecharaiah ung khüt khai ah ami ngawn gui ah hmawk ah tuhchü chang gui cu hma m’kyuk nak gah khai gui nei.

MIKHAH 7:6

Tuhchü hta gui naw ami pa akgu ah mäih ah kyak nak khai gui, hta hnumi gui naw ami nu hnungtuk püi khai gui, hta ah chu gui naw ami pighi ng’vook püi khai gui. Chang ah aga cu amät ah kyong chang ah kyak ci.

2 SAMUEL 14:6

Bawi aw, kei ung ka hta hnih om ci, hnüüp ät ung ngani cu loma ah ng’tuk ci goi, m’cha goi ci a u kä om ci, tumat naw tumat cu ngawn ci.

NEHEMIAH 6:2

Cun ah kyasei Sanballat la Keshem naw Ono khodou ah, pigaw tumat ung hteit ne ka hmuh gui vai ng’thu m’khäh lawk ci gui. Cun cu kei ami na hnim vai ah ami theileh ah kyak ci.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

JOB 11:15

Cun kawn ah khüighat thamah ne khomdek khan cu ma na ba.

LUKA 22:48

Bawipa Jesuh naw, “Judas, nang naw chang ah Htapa cu ng’ui netah, gaa ah kut ung na ap khai ma? cine ng’shik ci.

SAM 139:19

O Khanpughi, changshe gui cu na ngawn gui vai ka ng’ya hlük ci nei! Kiawi m’sau ci gui naw ami na hteh tak vai ka ng’ya hlü aih ci nei.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

ATÜNNAK 4:25

Adam la Eve cu pamihta ah hta ba ni neta, “Kain naw a ngawn ka hta Abel ah hnün ung Khanpughi naw ana pek ba nei” cine Seth ah aming sui ci.

KHEI NAK 35:20

“Chang tumat naw chang tumat cu thüi na neta buh tawn ne, kä cung a i awn baw vawi ne,

2 SHONTÄP NAK 21:4

Jehoram naw a uknak khaw cu akni ah akpan kawn ah avan ngawn gui ne, Israel bawi gui phi ngawn gui ci.

HOSEA 4:2

Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.