ATÜNNAK 4:7 - Cho Bible Common Language 2016

⁷ Ng’düng ciah bii na bi vaisü ung na hmai kiang khai süte; cung phi akshe na bik ci kyasei, katnak cu na m’kawt ung ng’boop ci nei. A cun naw ning uk vai ci nei, cun ung phi nang naw na m’khüt vai nei” cik ci.

ATÜNNAK 4:7 Referans Kwoze

JAMES 1:15

Cun ah shekak ciah ng’yak hlü nak cu tüisho law ne cheishoh nak cun phi däm ng’vai law ne, sih nak ah hta lawk ci.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

ROMAN 6:16

Nang mi cu chang tumat ah khlei-htein ah kya ne nami ng’ap ung, a cun ah bawi ah khlei-htein ah nami kyak cu akcang ah nami hmat ci. Nang mi cu katnak ah khlei-htein nah nami kyak ung, nang mi ah gah vai cu sih nak ah kyak ci, Khanpughi ah ng’thu nami ngaih ung nang mi cu Khanpughi naw chang düng ah ning dou gui khai.

KHEI NAK 32:23

Cun ung phi nangmi naw nami shaitak kä nami k’pan ah a kyak ung, nangmi naw Bawipa hnu tuk püi ne nami hmakak ciah kei naw ka ning k’bäi gui khai. Shin ah mawng ung hma nak kä nami bi en vai, nami katnak ah phäh ah m’kyuk nak nami gah khai nei.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?

NG'THU K'THUUK~ 21:27

Chang shekha gui naw khawihnah nak ami dou thak cu, Bawipa naw thüi nak ci. Aktung pi ah akshe ah m’lung ngaih cu thüi nak ci.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

MALAKHI 1:8

Amik m’dauh, akgaw, akshum gui cu nami na khawihnah nak vai ah law püi u neta, nami katnak kä om ciah nami ngai ci. Acun ah mäih ah akghing gui cu uktu bawi am pe shüm vä, ning yei na gui khai aw! A i baw ning pe taak gui khai aw!”

LAMKTU 10:35

Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci.

ROMAN 14:18

Ashin ah mäih ah Bawi Khrit ah khuut bik ciah chang cu Khanpughi naw yei nak ci, chang naw phi m’hlüngtai ci.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

NG'THU K'THUUK~ 18:5

Taga nak gah nak vai ah cheishoh cu kum ne, changnim’shung cu ka hman ciah kyak ci.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

ATÜNNAK 3:16

Ani naw hnumi phi, “Kä mah ne na yaica nak cu ka shou sak khai, na hta ung geinvai ne na ng’khokhüt khai, na cei ah pyen ah om ne, na cei ah uknak ah kaa ah na om khai.

1 TIMOTHI 5:4

Cun ung phi cun ah hmeinu ung a hta gui, atu gui, a om ah a kiak ung ngami cu ami mät ah kyongkhui ung ami yum nak ah mawngma la tu m’bei m’ghinsei gui ciah ami nupa pupi gui, ami m’hteihtang tuba vai ah mawngma gui cu ami theithang ma vai nei, cun cu Khanpughi ah ng’yak hlü ah kyak ci.

2 SAMUEL 24:23

Araunah naw cun gui avan cu ghangpughang am pe neta pyen nak cu, “Bawipa na Khanpughi naw na douthak nak cu ning dou pe sä.”

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

ATÜNNAK 19:21

Ani naw, “ä! Ka yum ci nei, cun ah gaw hta cu kä ka m’di khai nei.

JOB 29:4

Cun cu kei ka ng’bühmang yah ah hnüüp gui ung ah kyak ci. Khanpughi ah ng’khawtsheng nak naw kei ah ka im phi ngäng m’tät man ci.

2 GHANGPUGHANG GUI 8:28

Ghangpughang Ahaziah cu Israel ghangpughang Joram awn ng’awm neta, Siria ghangpughang Hazela cu tuk ci goi. Gakap gui naw Kilead kho Ramoth cu tuk ci gui, Joram cu ng’tuk nak ung leim ci.

ROMAN 6:12

Cun ah kya sei nami pumsa ah ng’yak hlü ah kä nami läk en hlawt vai ah, katnak naw nami pumsa cu käm khüt ten hlawt sä.

JOB 11:14

Akshekha gui la hmakat nak gui cu na im ungka naw ahei ah k’täm ä.

JOB 11:15

Cun kawn ah khüighat thamah ne khomdek khan cu ma na ba.

JEREMIAH 3:12

Israel ah hteit ne ka pyen nak vai ah ani naw na m’thein ci, “Kä bekhüt ciah Israel, kei ah law ba ä. Kei cu ka chimgein ci, kä ka m’lungshe khai; angawi ah phi nang kä ka ning m’lung she nak khai.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.