ATÜNNAK 4:4 - Cho Bible Common Language 2016

⁴ Abel naw a htawme gui ah hta htük gui ungka akplan pi ghü ne law püi ne, ngawn neta, akni pi gui m’küm ne, Bawipa cu khawihnah ci. Bawipa naw Abel la a khawihnah nak cu dou ci.

ATÜNNAK 4:4 Referans Kwoze

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

NG'THU K'THUUK~ 3:9

Na lo ung na geit avan ungka am theihpai htük akni pi cu Bawipa am douthak ne na m’tamkhah vai.

PHYAWN NAK 13:12

Nami hta htük pami phung cu Bawipa am nami ap vai. Nami seime gui ah hta htük gui ak hla phung cu Bawipa naw khäm ci;

KHEI NAK 18:17

Cun ung seipat, htome la me gui ah hta htük gui cu kä hleh ba gui vai. Cun gui cu kei ah ka teng ah kyak ci. Khawihnah nak vai ah kyak ci, cun gui ah si cu sonkiang hnungtuk püi ne nami peh vai. Ei-douthak ah a thau cu nami m’khih vai. Ang ui naw kei cu na yei sak khai.

HEBRU 9:22

Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

SAM 20:3

Na pektaak phung cu ning dou pe sä, Na khawihnah nak avan ung yeikyai nak om sä.

2 SHONTÄP NAK 7:1

Ghangpughang Solomon cu taigü yawp khäta khankho ah ka meikdäi kya law ne ami douthak ah khawihnah nak gui cu ui yawp ci, Bawipa ah bämang nak cu pyü ne ng’shü ne Taigüim ung be ci.

1 SHONTÄP NAK 21:26

Ani naw a cun ung Bawipa sonkiang co neta, m’khih douthak nak la hmuhchum-douthak nak cu bik ci. Ani taigü sei, Bawipa naw khankho ah ka mei yuk chah ne sonkiang ung khawihnah nak cu uih sak ne yuk m’shang lawk ci.

1 GHANGPUGHANG GUI 18:38

Bawipa naw mei yuk chah law sei, khawihnah nak ni, sing ni, lung gui ni avan ui ne, m’dek phi ng’khiit ne, m’yawng ung tui phi ket yawp ci.

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

ATÜNNAK 15:17

Khawhni hang kyasei khaw hmüp law khätah, khu ciah shei k’am la däi ciah mei im cu ang ghit ah dang law ne, khisa meh gui cu khan gui ci.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

SUKI GUI 6:21

Cun kawn ah Bawipa ah khanchang naw zawn neta, meh la m’htut cu akawh ah htung m’sawng ah am dawng awn tawk ci. Lung ung mei däi law neta meh la m’htut cu mei naw ui ci. Cun kawn ah khanchang cu maih ba ci.

KHEI NAK 18:12

“A kum tä sei Israel gui naw ami na pek law ah m’thawk htük ciah akni pi gui avan cu ka ning pe gui ci nei; oliv situi, sapyit tui la htang,

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

1 GHANGPUGHANG GUI 18:24

Cun kawn ah Baala prophet gui cu ami khanpughi ah taigü u sä, kei cu Bawipa ah ka taigü khai, mei chah law ne ng’thu m’shang lawk cicu — Khanpughi ah kyak ci.” Chang gui naw ani ah pyen cu k’cang na ne m’lau ci gui.

ATÜNNAK 4:3

Akhin a gawk law ung Kain naw m’dek ung a geit gui amshah cu law püi ne Bawipa cu khawihnah ci.

KHEI NAK 16:15

Moses cu ang htei ah m’lungshe neta, Bawipa ah ma ah “Shin ah chang ah law püi ah douthak cu a i phi kä na dou vai. Ngami ah khan ah ka cheishoh nak a i phi kä om ci, kei naw ami ng’sela tumat phi kä ka la man ci.”

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.