ATÜNNAK 4:26 - Cho Bible Common Language 2016

²⁶ Seth cu pamihta ah hta ne Enosh ah a ming sui ci. Cun sangung chang gui naw, khawihnah nak ung Khanpughi ah ming theing cu htungmang lawk ci gui.

ATÜNNAK 4:26 Referans Kwoze

SAM 116:17

Kei naw m’hlüngtai ne khawihnah nak ka ning pek khai nei, ka taigü ka ning pek khai nei.

1 GHANGPUGHANG GUI 18:24

Cun kawn ah Baala prophet gui cu ami khanpughi ah taigü u sä, kei cu Bawipa ah ka taigü khai, mei chah law ne ng’thu m’shang lawk cicu — Khanpughi ah kyak ci.” Chang gui naw ani ah pyen cu k’cang na ne m’lau ci gui.

ZEPHANIAH 3:9

“Cun kawn ah changpakhui gui cu ka ng’thawng sak gui khai, ngami cu kei bang ah taigü khai gui, ahei khanpughi ah kä taigü khai gui. Ngami ami van naw na ngai khai gui.

JOEL 2:32

Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

ATÜNNAK 12:8

Cun kawn ah a htumtäng ungka naw, Bethlela mang gaw ah hni law lam khawgui ah ng’plon ba ne, hni kyak lam Bethlela la hni law lam Ai ah ng’lak ung phung tu ne om ci gui. A cun ung khawih kiang co ne Bawipa cu khawihnah ci gui.

LUKA 3:38

Kennan cu Enosh ah hta, Enosh cu Seth ah hta, Seth cu Adam ah hta, Adam cu Khanpughi ah hta ah kya ci.

JEREMIAH 33:16

Judah Chang la Jerusalem chang gui cu gun gui vai, ngami cu phiwng ne om khai gui. Cun ah mang gaw cu, “Na hunphiawn gui ciah BAWIPA” ciah khü khai gui

ATÜNNAK 26:25

Isaak naw a cun ung khawih kiang co ne, Bawipa cu khawihnah ci. A cun ung phung tu u ne a chang gui naw tui phi shawk ba ci gui.

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

ROMAN 10:13

Cacim theing naw “Bawipa khü ne ng’yoi ciah chang phung cu hun nak gah khai,” cine pyein ci.

LAMKTU 11:26

Ani cu hmuh netah Antiok khaw ah law sei, ngami cu a khokum pum khrithabum gui awn ng’hmuh u ne, chang akda cu m’theithang ci goi. Bawipa yum ciah chang gui ak htük bäih ah Khritha ah ami khü nak gui cu Antiok gawnu ah kyak ci.

LAMKTU 2:21

Cun yah ung Khanpughi ah ng’hui neh k’tai gü ci gui cu, hun nak gah khai gui” ciah Khanpughi naw pyein ci.

ISAIAH 63:19

Nang cu keimi ah uktu ah kä na kyak ciah mäih ah, keimi cu nang ah chang ah kä kami kyak ciah mäih ah, na na om püi gui ci nei.

ISAIAH 48:1

Shin cu ngai vä, Israel chang gui aw, Nangmi cu Judah ah ng’shon gui nei: Nangmi cu Bawipa ah ming ung ng’tam u ne, Israel khanpughi nami khawihnah ciah nami pyen ci. Cun ung phi nami pyen ah ng’thu lung cu kä nami k’cang nak ci. 1

ISAIAH 44:5

“Chang gui tumat ci tumat ci naw, kei cu Bawipa ah na chang nei” cik khai gui. Ngami cu Israel chang gui ung law ne ng’dawn tuk khai gui. A chang sing naw ami ban ung Bawipa ah ming awn m’hnüt khai gui, ami mät naw ami mät khanpughi ah chang tumat ah ng’khü khai gui.”