ATÜNNAK 4:14 - Cho Bible Common Language 2016

¹⁴ Nang naw kei cu shin ah khomdek ungka, na na k’täm pyi ci, nang phi kä ka ning hmu ba ci nei. Kei cu khomdek khan ung a im kaa ah kya ne ka om khai nei. Na hmuk ci naw kei cu na ngawn khai nei” cine ng’hui ba ci.

ATÜNNAK 4:14 Referans Kwoze

KHEI NAK 35:19

Sik ciah chang ah ang et pi bäih ah amätyah naw chang ngawn cicu sih nak a pek vai kyak ci, ani naw cun ah chang cu a hmuh ah a kyak ung, a ngawn vai.

SAM 143:7

Bawipa, Tuhbäi na m’shang ä! Ka ngaih u nak avan maih ci nei. Kä na ng’thuh en tau ä, Sihnak ah kho ah hteit ci gui ah ng’lung ah kei cu ka hteit khai kyak ci nei.

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

THULÄÄN NAK 28:65

Nangmi naw dimdeeih nak a hawi phi kä nami hmuk khai. Nami ka ah nami khü vai ah hmun kä om khai. Bawipa naw ng’ä ai nak, ngaih u kaa nak, m’lung k’si nak awn ning shu deng gui khai.

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

JEREMIAH 52:3

Bawipa cu Jerusalem la Judah chang gui ah khan ah m’lungshe aih neta, a hmuh nak ung ka naw k’täm gui ci. Zedekiah naw Babilon ghangpughang Nebukhadnezzar cu hnung tuk püi ci.

KHEI NAK 35:27

Sik ciah chang ah mätyah naw hmu neta a ngawn ah a kyak ung, shin ah phu tuk nak cu chang ngawn ah kä kyak ci.

KHEI NAK 35:21

kä cung a kut m’hnüm awn a ngawn ah a kyak ung, ani cu chang ngawn ci kyasei, ngawn vai. Sik ciah chang ah ang et pi bäih ah a mätyah naw chang ngawn cicu sih nak a pek vai kyak ci. Ani naw cun ah chang cu a hmuh ah a kyak ung, a ngawn vai.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

HOSEA 13:3

Cun ah chang gui cu khongawi ah khüi toi ah mäih ah, khongawi hta ung maih ciah k’daam tui ah mäih ah maih khai gui nei. Ngami cu htang m’hai hmun ung khokhi naw ayon ah htang shi ah mäih, meikhu m’kawt ung meikhu ah mäih ah kyak khai gui nei.

ISAIAH 8:22

Ngami naw m’dek teng khai gui, cun ung phi a i kä hmuk khai gui, yaica nak la mü hmüp nak bäng ah kyak khai, kyih kyawk vai ah mü hmüpnak cu.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

SAM 109:12

Ani cu a u naw phi kä m’gein en sä, a hnu ah a nawng ah hmei hta gui phi a u naw kä m’htei en sä.

SAM 109:10

A hta gui cu a im kaa ah kya ne, ng’zoi ne, ei u sä; shekak ciah ami om nak ungka, püi gui u sä!

2 SAMUEL 14:7

Tuhbäi, bawi aw, ka mäit yah gui avan naw kei cu na hnu ng’tuk püi u ne, ka hta cu ka ap gui vai ah na k’thäh ci gui, ngami naw a phäi a ngawn ah phäh ah ngawn ba khai gui. Ngami naw cun ah ami bi ung ka ng’ngaih u khüt cu ngami naw m’di khai gui, kei ah ka cei ah ming m’ghin khai ah htapa cu maih khai,” cik ci.

TAIGÜTHUM 26:36

“Kei naw omktu khaw ah nami om tuk ci gui cu ang htei ah ka ning kyihkyawk sak gui khai. Khaw khi sei sing hnah a hnün hngaw ung nami dawng khai, nami pei ah ga kä om sei phi nami ng’täng khai.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

ATÜNNAK 3:24

Cun ah chang cu ak tääm kawn ah Eden dum ah hnilaw lam ah mei m’lei ah tawt ne ng’laam ciah khimsem la Cherubim gui cu m’düih ne, ghin nak ah sing ghing cu ngäng sak ci.

ATÜNNAK 4:13

Kain naw Khanpughi ah ma ah, “Shin ah m’kyuk nak cu kä m’khüt vai ah nui aih ci nei.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.