ATÜNNAK 4:10 - Cho Bible Common Language 2016

¹⁰ Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

ATÜNNAK 4:10 Referans Kwoze

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

SAM 72:14

Ani naw yawshe nak la shedam nak ung gung gui sei, ngami ah ghin nak cu ani ung ni kyom ci.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

SAM 9:12

Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

KHEI NAK 35:33

A shin ah mäih ah nami bi ah a kyak ung, nami om nak ah khaw nami cheishoh sak ciah kyak khai. Chang ngawn nak naw khaw cheishoh sak ci, chang ngawn nak ah khaw ng’gängsei nak vai cu, chang ngawn ciah chang a sih tuba vai ah kawn ah a hei lam kä om ci.

JOB 16:18

O Khomdek, kei ah cheishoh nak gui cu kä thup en ä! A taga vai ah kei naw ka ng’khü phi kä ng’düm sak en ä.

ATÜNNAK 9:5

Chang ah hnun gui m’kat cicu m’kyuk nak gah khai. Khisa naw chang am kat ah a kyak ung kei naw sih nak pe ne ka m’kyuk khai.

SAM 50:21

Nang naw shin ah mäih gui bik ci sei, kei naw a i kä ka pyen ci. Cun ah kyasei kei cu nang ah mäih ah ka kyak ciah na ngai ci. Cun ung phi tuhbäi nang cu ka ning züi m’cäi ci.

PHYAWN NAK 3:7

Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.

JOB 24:12

Mang gaw kyong ah leim ci gui la sik ci gui cu kyap m’lau ci gui. Cun ungphi Khanpughi naw ngami ah taigü cu nawng gui ci.

2 GHANGPUGHANG GUI 9:26

‘Kei naw Naboth la a hta gui ami ngawn gui cu yanta ka hmuk ci nei. Kei naw a shin ah m’dek ung ka ning m’kyuk khai nei, ci nei shai ka tak ci.’ Cun ah kyasei Jehu naw yatha bawm ci am, “Joram ah pumsa cu la ne, Naboth ah khomdek ung yuk ghawt ä, cun ung Bawipa ah shaitak cu kümbe ciah kyak khai nei” cik ci.

JOSHUA 7:19

Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

ATÜNNAK 18:20

Bawipa naw Abraham am, “Sodom la Komorrah ung ami kyah m’lau nak cu däm aih ne, ami cheishoh nak da aih sei,

ATÜNNAK 3:13

Bawipa Khanpughi naw, hnumi am, “A i vai ang cun ah na bi” cine ng’shi khäta; Hnumi naw, “K’phyu naw na ei sak sei ka ei ci nei” cine pyen ci.

LAMKTU 5:9

Peter naw,” a i ah kiah sei nang ni naw Khanpughi ah Mumcha Theing m’hleei m’hlak vai ah na ni k’bäi ang? Na cei m’cim ciah chang gui m’kawt law k’pha law ba ci gui nei, ngah mi naw nang mä kawt ne ning m’cim lawk khai gui nei” cine pyen nak ci.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

THULÄÄN NAK 21:1

Bawipa nami Khanpughi naw a ning pek gui ah khaw, khaw häu ung chang tumat ngawn ah kyasei nami hmuk ci, cun ung phi a u naw a ngawn ah kä nami hmat ah a kyak ung,

1 SAMUEL 13:11

Cun ung phi Samuel naw, “A i ang na bi pyi?” cine ng’shik ci. Saul naw, “Chang gui naw na hteh tak ci gui, nang na lawk khai ah na pyen nak ung kä na lawk ci: cun kawn ah Philistin gui cu Michmash ung ng’bum ci gui.

2 SHONTÄP NAK 28:9

Oded ming nak ciah Bawipa ah prophet cu Samaria mang gaw ung om ci. Israel gakap gui naw ami pha gui ah Judean gui law püi ne law ba u ne, mang gaw ung lut law vai u sei, hmu gui neta, a pyen nak gui cu, “Bawipa nami pupa gui ah Khanpughi cu Judah gui ah khan ah m’lungshe neta nangmi ning hnim sak gui ci, cun ung phi nangmi naw akshe ah nami ngawn gui cu ani naw ng’yak ci.

SAM 9:13

O Bawipa, na chimgein ä! Ka ga gui naw nak shekha na u sei, ka geinvai cu na teng ä! O Bawipa, sih nak ung nak phyawn ä!