ATÜNNAK 39:4 - Cho Bible Common Language 2016

⁴ Potipha naw Joseph cu yum neta, a changzum ah hmoh ne, im khawh avan ap ne m’htei sak ci.

ATÜNNAK 39:4 Referans Kwoze

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

NG'THU K'THUUK~ 27:18

Thei ghing cu na m; htei ung thei na ei vai om khai, A bawi m’hteihtang ciah changshäm cu m’taamkhah nak om ci.

ATÜNNAK 39:8

Joseph naw ma neta, ani am, “Teng ä, ka bawi naw shing ah im ung khawh avan cu amät naw kä ma nak ci. Ani naw khawh avan cu kei am na m’htei sak ci nei.

ATÜNNAK 24:2

Abraham naw a khawh m’htei ciah a changshäm ang vaipi cu khü neta, “Ka phei goi ah ng’lak ah na kut k’thawi neta na ng’taam vai.

ATÜNNAK 19:19

Kei na na m’hni la ka hnun na na k’phyawn cu na bä aih ci nei. Cun ung phi khomhtung cu shou aih ci nei, cau ah kä gawk pha ne ka sik khai nei.

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

NG'THU K'THUUK~ 17:2

Cuivai ciah chang sham naw ghawi pai ciah a bawi ah hta ah khan ah huham mah ne pakhui khawh amshah cu gha thei ci.

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

ATÜNNAK 33:10

Jakob naw, “Na bä ni, ka phäi aw, nang ah yei nak ka hmuh nak vai ah shin gui cu na dou pe ä. Nang naw na na yei nak cu kei ah hmawk ah Khanpughi ah hmai hmuh ah mäih ah kyak ci nei.

ATÜNNAK 18:3

“Bawipa, kei ah im ah kä ng’düm ah kä hteit en ba vä, kei naw ka ning khin na gui cang khai nei.

NG'THU K'THUUK~ 14:35

Cuivai ciah a chang bawi cu ghangpughang naw yei nak ci, thui ng’aa nak vai bik cicu m’kyuik ci.

1 SAMUEL 16:22

Cun kawn ah Saul naw Jesse am ng’thu m’khäh ci, “David cu ka yum ci. A shia ah om ne, ka bi bi tu sä” cik ci.

ATÜNNAK 33:8

Esau naw, “Shin ung ka hmuh vai ah na law püi gui shi a i vai ang? A i ah na ci hlü ang?” cine ng’shik ci. Jakob naw nang naw na yei nak vai ah ka bi nei” cik ci.

ATÜNNAK 32:5

Kei naw seipat gui, ng’se laa gui, htawme gui, me gui la changshäm akda cu ka law püi ci nei. Saya aw, na na m’gein khai ah ngaih u ne, chang m’cäi ne ka tüi lawk ci nei” cine ng’cük lawk ci.

ATÜNNAK 15:2

Abram naw, “Uk ciah Bawipa, a i m’cümhnah ang, kei am na na pek kaw, kei cu ka hta kä om sei, Damaskas ah kaa Eliezer naw ka pakhui m’düng ci nei.

1 GHANGPUGHANG GUI 16:9

Zimri, ani ah a bawi tumat, ghangpughang ah yatha gui a teih uk ci naw ani cu hnungtuk püi ci. Hnüüp ät ung Tirzah ah, mang im ung ng’vai ciah Arza ah im ah Elah cu awktak ci.

RUT 2:6

Cun ah chang naw, “Ani cu a khawhei chang, Moab khaw ah ka Naomi awn ng’gui lawk ci goi nei.

1 SAMUEL 2:26

Ak hmaw Samuela cu däm ng’vai law ne Bawipa ah ma la chang gui ah ma ah hmai kiang nak gah ne om ci.

ESTA 2:9

Hekai naw ani cu m’hni ne yei na pi ci. Ani naw amüi kyom khai ah m’htei nak cu ang ghit ah pe ne, ei awk akni phi pyan pek ci. Ani naw hnumi hta gui ah om nak ung aknipi hmun pe ne, mang im ungka hnumi hta sing chih ghü ne, ani m’htei khai ah tha gui ci.

NG'THU K'THUUK~ 3:4

Cun ah na bi ung Khanpughi la chang naw ning yei na sei na bä khai.