ATÜNNAK 39:21 - Cho Bible Common Language 2016

²¹ Cun ung phi Bawipa naw Joseph cu om püi ne hriham pek ci, thawng bawi naw phi yei nak ci.

ATÜNNAK 39:21 Referans Kwoze

PHYAWN NAK 3:21

“Egypt gui naw ami ning chang m’sui gui vai ah ka ci gui khai nei. Cun ung ka chang gui ami hteh law ba ung ami kut ghawng sei kä hteit ba khai gui.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

1 PETER 3:17

Khanpughi naw ang yak hlü a om ung, akni bi netah gein vai nak cu, akshe bi netah geinvai nak ah mä bä tu ba ci.

DANIEL 1:9

Cun ah kyasei Khanpughi naw Daniela cu Ashpenaz naw a chimgein vai ah bii bik ci.

PHYAWN NAK 12:36

Israel chang gui cu Egypt chang gui naw, chang m’sui gui u ne, ami k’thäh cu ami pek gui vai ah Bawipa naw bik ci. A cu cha ah Israel chang gui naw Egypt chang gui ah ami khawh cu hteh püi ci gui.

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

SAM 105:19

A ng’thu pyen kä be pha ah chuih, Bawipa ah thu naw ani cu düng sak ci.

PHYAWN NAK 11:3

Bawipa naw, Israel chang gui cu Egypt chang gui naw ami chang m’sui gui vai ah bik ci. Akcang ah bawi gui la chang avan naw Moses cu, chang m’gäi chang küikyang ah kyak ci, ciah k’bäi ci gui.

ATÜNNAK 39:2

Joseph cu Bawipa naw m’htei ne m’khüt näng nak pek ci. Ani cu Egypt chang a bawi ah im ah om ci.

ATÜNNAK 21:22

Cun sang ung Abimelek la a gakap bawi Phikol cu Abraham ah law ni neta, “Na bilawh nak päng ung Khanpughi naw ning om püi ci.

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

ATÜNNAK 40:3

cun goi cu pha goi ne, Joseph ami chum nak ah gabawi ah im ung chum tu goi ci.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

SAM 106:46

Ngami pha ne chum gui ci gui cu ng’zuu ne ami thüi vai ah ani naw bik ci.

SAM 105:22

ghangpughang ah bawi gui ah khan ah huham mah nak la akchang vai gui m’shümthein nak ah huham cu ap ci.

ATÜNNAK 39:3

Joseph cu Bawipa naw om püi sei, a bi päng ung m’khüt näng nak om ci, cicu a bawi naw hmat ci.

ATÜNNAK 39:4

Potipha naw Joseph cu yum neta, a changzum ah hmoh ne, im khawh avan ap ne m’htei sak ci.