ATÜNNAK 39:11 - Cho Bible Common Language 2016

¹¹ Hnüüp ät ung Joseph cu im kyong ah bii bik khai ah lut lawk ci. Cun yah ung kyong ah a u kä om ci.

ATÜNNAK 39:11 Referans Kwoze

EPHESIAN 5:12

(Chang gui naw m’yih m’thuh ne ami bilawh gui cu, pyein tu vai ah phi lü ng’aa vai kyak ci nei.)

EPHESIAN 5:3

Nangmi cu Khanpughi ah chang ah nami kyak ci kyasei, pletbeng nak, shetkat nak a hlü hlü la ng’yak hlü aih nak gui ah mawng cu, a pyein pang ah phi kä nami pyein vai nei.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

NG'THU K'THUUK~ 9:17

“M’guk ah tui cu tuui ci, m’guk ah ei cu hlim pi ci” ci nak ci.

JOB 24:15

Chang ah chu hta kat püi ciah chang cu kho amü law vai k’äih ne, A u naw kä a hmuh vai ah a hmai shung ne hteit ci.

ATÜNNAK 39:10

A cun ah mäih ah a hnüüp tä sei ani naw Joseph cu khü sei phi, Joseph naw kä ih püi phung ci.

ATÜNNAK 39:12

Hnumi naw a suinu ung pha ne k’pang neta, “Ni ip khai nei” cik ci. Joseph naw a suinu cu hnumi ah kut ung suut shüt ne dawng ci.