ATÜNNAK 38:26 - Cho Bible Common Language 2016

²⁶ Judah naw cun gui cu teng neta, “Ani hman ci, kei ka hma ci, ka hta Shelah awn kä ka om ba sak goi cu, kä hman ci nei” ci neta, ani cu kä et ba phung ne om ci.

ATÜNNAK 38:26 Referans Kwoze

1 SAMUEL 24:17

Cun kawn ah ani naw David am, “Nang na hman ci, kei ka hma ci. Nang cu kei ah khan ah na ni aih ci, cun ung phi kei naw shin ah mäih ah a hma nang ung ka bik ci!

JOHAN 8:9

Cun aci ng’ya u netah ang vai ba gui ma ba u sei, tumat täi ah hteit ba yawp ci gui. Hnumi amät bäng Bawipa Jesuh ah pei ah ng’düi ba shüt ci.

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

MATTHE 3:8

Akcang ah nami ng’yu ba ah mawng cu nami om ih awn nami m’dang vai nei.

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

EZEKIEL 16:52

Tuhbäi nang naw na mät ah lü g’aa nak cu na mät naw na gah khai. Nang ah katnak gui cu na be gui ah katnak ah ta she ka pi aih ci kyasei, nang ah pei ah ngami cu Chang ni ah mäih ah kyak ci gui. Tuhbäi na mät ah thüi ng’aa nak cu kaa na ne khan ä, ai ah kyasei ci ung nang naw na be gui theing cim ci gui ah mäih ah na ciah phäh ah kyak ci.”

JOB 40:5

Kei naw ka pyen vai hlü ciah däm khai ah ka pyen pyi ci nei.

JOB 4:5

Tuhbäi khüikha nak nang ah khan ah a gawk law läi ung, acun büiawt vai ah na kyim aih ci nei.

2 SAMUEL 24:17

David naw chang gui ngawn ciah khanchang cu hmu neta, Bawipa ah ma ah, “Kei cu hma ciah ka kyak ci, kei cu cheishoh ci bi ciah chang tumat ah ka kyak ci. Shin ah chang dukhaih gui naw a i ang ami bi? Nang naw kei la ka kyong khui cu na m’kyuk hning ci nei” cik ci.

2 SAMUEL 20:3

David cu Jerusalem amang im ung gawk law ba neta, mang im m’htei khai ah a nawng shüt gui chubawk sing gha cu la gui ne, im ung chum gui ci. Ani naw ami ng’yak hlü pe gui ci, cun ung phi kä ng’yaw koh püi gui ci. Ngami cu ami ghin ah chüih chum ne tha gui ci, hmeinu ah mäih ah om ci gui.

2 SAMUEL 16:22

Cun ah kyasei ngami naw mang im m’kiung khan ah Absalom ah phäh ah phung tuk ci gui. Cun kawn ah chang päng ah hmuh ah Absalom cu hteit ne, apa ah chubawk gui cu yaw gui ci.

ATÜNNAK 38:14

Tama cu hmeinu ah sui ah a sui ng’thong ne, apum avan, a hmai avan shung khai ah suisa neta, Timnah ah hteh nak lam, Enaim pigaw m’kawt ung ana ngok ci. A i ah kyasei ci ung Judah ah hta hmawpi Shelah cu ng’vai law lang sei, Judah naw a hta am kä a chu nak sak ah phäh ah kyak ci.

ATÜNNAK 37:33

Ami pa naw hmat ba neta, “ä, ka hta ah kaa nei, ka hta Joseph cu sa naw lo ne phyit pyi ci kyak ci nei,” ci neta,

ATÜNNAK 4:1

Cun kawn ah Adam cu achu Eve awn ip om ni neta Eve cu kämah lawk ci. Ani cu pamihta ah hta law sei “Khanpughi ah na m’gein nak ah kyak ci” cine a ming cu Kain ah sui ci.

1 SAMUEL 24:18

Tuh ngawi kei ah khan ah a i hlawk ah na ni cu na m’dang ci, a i ah kyasei ci ung nang ah huham kyong ah Bawipa naw na tha sei phi nang naw kä na na ngawn ci.