ATÜNNAK 38:25 - Cho Bible Common Language 2016

²⁵ Tama cu ngawn vai ah law püi u khäta, apughi am ng’thu am shäk law cu, “Kei cu shin gui kaa nak ciah chang naw, na chu na sei ka m’gaai ci nei, shin ah m’hnüt nak a khüm la ng’shopawng cu teng vä, a u ah ka gui ang?” cine kyak ci.

ATÜNNAK 38:25 Referans Kwoze

ATÜNNAK 38:18

Judah naw, “A i ka kyän shüt vai ang?” cik ci. Hnumi naw, “Na mät ah m’hnüt nak a khüm mah la ng’shopawng cu na kyän shüt vai nei cik ci. Judah naw a cun ah pe sei ngani cu ng’yaw ci goi. Cun ah hnumi cu m’gaai ci.

ATÜNNAK 37:32

Cun ah sui cu ami pa ah hteh püi u neta, “Shin kami hmuk ci nei, na hta ah k’htu ah kä kya ne ang?” cik ci gui.

THU PHLAAN 20:12

Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.

SAM 50:21

Nang naw shin ah mäih gui bik ci sei, kei naw a i kä ka pyen ci. Cun ah kyasei kei cu nang ah mäih ah ka kyak ciah na ngai ci. Cun ung phi tuhbäi nang cu ka ning züi m’cäi ci.

ROMAN 2:16

Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.