ATÜNNAK 38:14 - Cho Bible Common Language 2016

¹⁴ Tama cu hmeinu ah sui ah a sui ng’thong ne, apum avan, a hmai avan shung khai ah suisa neta, Timnah ah hteh nak lam, Enaim pigaw m’kawt ung ana ngok ci. A i ah kyasei ci ung Judah ah hta hmawpi Shelah cu ng’vai law lang sei, Judah naw a hta am kä a chu nak sak ah phäh ah kyak ci.

ATÜNNAK 38:14 Referans Kwoze

ATÜNNAK 38:26

Judah naw cun gui cu teng neta, “Ani hman ci, kei ka hma ci, ka hta Shelah awn kä ka om ba sak goi cu, kä hman ci nei” ci neta, ani cu kä et ba phung ne om ci.

JEREMIAH 3:2

Khaw m’htun gui cä teng vä. Pawzam ciah mäih ah nami hnünthawh nak ah kä kyak ciah hmun om ne ang? Arab naw khaw ng’gau khaw ung a guttep vai ah ngäng ah mäih ah nang naw lampei pum ung na m’hni gui cu na ngäng ci nei. Nangmi naw nami pawmya nak awn kho avan nami pawmya sak ci.

NG'THU K'THUUK~ 7:12

Kä cun ung cawk kem ung, lam ng’lung ung, sumlei hmun ung ng’düi ne ngäng ci.

ATÜNNAK 24:65

Abraham ah chang cu, “Mikmi täng ah ana a vük ciah chang cu a u ang?” cine ng’shik ci. Ani naw, “Ani cu ka bawi nei” ci khäta, Rebekka naw hmai shung nak la ne a hmai shung ci.

EZEKIEL 16:25

Nang naw na kyom nak cu na ng’nai sak ci. Nang naw lawk ciah chang päng am na paumza na na ap ci, nang cu a hnüüp tä sei na pcumza law piktäi ci.

ATÜNNAK 38:15

Judah naw a hmai shung ne ngok cicu hmu neta, hnumi she ah ngai ci.

NG'THU K'THUUK~ 7:10

Cun ung hnumi naw ani cu hmuk ci, cun ah hnumi naw hlawhhlaang ciah mäih ah sui awi ne, ng’bü ge ci.

ATÜNNAK 38:19

Tama cu hteit ba ne a hmai a shung nak cu suut ba neta, hmeinu sui cu sui ba ci.