ATÜNNAK 37:7 - Cho Bible Common Language 2016

⁷ Mikmi cu lai ma ah htang aat ne mi pawk yah ung, kei ah htang pawk cu ng’düi law khäta, nangmi ah htang pawk gui naw, koi ne khawihnah ci gui” cine pyen ci.

ATÜNNAK 37:7 Referans Kwoze

ATÜNNAK 44:14

Judah la a phäinau gui Joseph ah im ah ami gawk law ba yah ung Joseph cu ana om ci. Ngami cu ami van m’khuuk dong ne kawp u khäta,

ATÜNNAK 42:6

Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui.

ATÜNNAK 43:26

Joseph gawk law khäta ami pawng püi gui cu im kyong ah law püi ne pene, ama ah m’dek ung kawp yawp ci gui.

ATÜNNAK 42:9

Ani naw ngami ah mawng ang mang cu shüm ba neta, “Nangmi cu ng’tä ciah nami kyak ci, kami khaw ung kä näng nak lam nami k’tä khai ah nami lawk ci” cine kyak na gui ci.

KOLOSE 1:18

Ani cu apumsa ah kyak ciah Khrithabum ah lukhu ah kyak ci. Ani cu pumsa ah ghin nak ah ang yung ah kyak ci. Ani cu sih nak ung kaa tho ba ciah ng’tüi htük ciah Htapa ah kyak ci, ani bäng cu avan ung a om nak htük vai hmun om ci.

PHILIPPIAN 2:10

Cun ah kiasei khankho la khomdek ung om ci nüng ni, khomdek ah ka ah om ci nüng ni naw, Bawi Zesuh ah ming cu m’tamkhah u ne,

ATÜNNAK 44:19

Bawi aw, nang naw, nami pa om naw? Ahei nami phäinau mä om ba naw?” cine na na ng’shi gui ci.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

ATÜNNAK 37:6

Ani naw, “Ka ng’mang ka shui khai, ngai vä.

ATÜNNAK 43:28

Ngami naw, “Na chang, kami pa cu ghing ci nei, gai ci nei” ci u neta kawp ne m’khukdawng ci gui.

ATÜNNAK 44:18

Judah naw Joseph ah pei ah hteit neta, “Bawi aw, api ah ng’thu ka pyen hlük ci, kei cu kä na m’lungshe en na ä, nang cu ghangpughang ah mäih ah na kyak ci nei.

ATÜNNAK 50:18

Cun kawn ah a phäi gui cu law u ne ama ah kawp u neta, “Shin ung na ma ah na changshäm gui ah kya ne kami lawk ci nei” cik ci gui.