ATÜNNAK 37:5 - Cho Bible Common Language 2016

⁵ Hnü ät ung Joseph naw ang mang cu m’thein tu gui khäta, a phäi gui naw gen law pi ci gui.

ATÜNNAK 37:5 Referans Kwoze

ATÜNNAK 28:12

Ani naw ang mang ung a hmuh cu, “M’dek ungka naw khankhaw ah gawk sei hlaak ng’dawn ci. A cun ung khankhaw chang gui kyum kai ci gui.

JOHAN 17:14

Nang ah ng’thu cu ngami-am ka pe gui pyi ci, Kei cu m’dek khan naw kä a na khäm ah mäih ah ngami phi kä khäm gui ci.

JOEL 2:28

“Kei naw chang nü ah khan ah ka mümcha ka yuk chah law kawn ah; nami hta pami, hta hnumi gui naw ka ng’thu shäu khai gui; nami chang vai gui ami mang shen khai, nami chang nong gui muimang mah khai gui.

DANIEL 4:5

Cun ung phi ka ih sangung kyihkyawk vai ah ka ng’mang she sei, cäi ng’ä vai ah muimang ka hmuk ci.

ATÜNNAK 42:9

Ani naw ngami ah mawng ang mang cu shüm ba neta, “Nangmi cu ng’tä ciah nami kyak ci, kami khaw ung kä näng nak lam nami k’tä khai ah nami lawk ci” cine kyak na gui ci.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

ATÜNNAK 37:4

Ami pa Joseph am hni pi cu a phäi gui naw hmu u neta, Joseph cu thüi na u ne akni kä ng’thu ng’htau ba püi ci gui.

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

DANIEL 2:1

Nebukhadnezzar ghangpughang ah a kyak nak a kum goi nak ung ang mang shek ci. A cun naw ani cu cäi ng’a “Sak sei kä ip hlawt ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

ATÜNNAK 49:23

A ga gui naw aknui ah tuk ci gui. Ami li gui la m’la gui awn k’täm ci gui.

ATÜNNAK 41:1

Khokum goi alüng kawn ah Egypt ghangpughang cu ang mang she ba ci; Ani cu Nile tuinu kem ah ng’düi ci.

ATÜNNAK 40:5

Khomü ät ung yu cuung bawi la ei tei bawi cu ani ng’mang shek ci, cun cu a mawng a hei hei ah kyak ci.

ATÜNNAK 37:8

A phäi gui naw, “Nang cu ghanpughang ah kya ne keimi na na uk gui khai ah na ngai ne ma, ci u neta ang mang a shui ah phäh ah gen law piktäi ci gui.

ATÜNNAK 31:10

Me ang ghui khin ung ng’ghui ciah me akhla gui cu, a pyawk ni, ang khan ni bäng ah kyasei, ka ih mang ung ka hmuk ci nei.

ATÜNNAK 31:11

Ka ih mang ung Khanpughi ah khanchang naw, “Jakob” cine na khü sei, “äi” ci ngäta, ani naw,

ATÜNNAK 37:6

Ani naw, “Ka ng’mang ka shui khai, ngai vä.

ATÜNNAK 20:3

Mü ät ung Khanpughi cu ang mang ung dang law neta, “Nang cu shin ah hnumi na k’chu nak ah phäh ah na sik khai, shin cu ami chu ah kyak ci” cine pyen nak ci.