ATÜNNAK 37:34 - Cho Bible Common Language 2016

³⁴ Jakob cu a sui suut ne, ng’yuu sui sui ne, a hta ah phäh ah thüi kyap ci.

ATÜNNAK 37:34 Referans Kwoze

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

2 SAMUEL 3:31

Cun kawn ah David naw Joab la achang gui cu, ami sui k’teek ne, ng’yu nak sui sui ne, Abner ah phäh ah ami thüi kyah vai ah k’bäi gui ci. Gook ami htüm nak ung David amät phi gook tom nak pei ah hteit shüi ci.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

LAMKTU 14:14

Cun ah ami pawngpüi cu Paul la Barnabas naw ng’ya ni netah, ani suisak teek ne ghawt ne, chang gui ah lung ah va dawng ni netah,

MATTHE 26:65

Cun ci khätah taigütung naw, amät ah yih sui shum ne pang netah, “shin ah chang naw Khanpughi kat na ne, thu pyein ci nei, saksi kä hlü ba te ci nei. Khanpughi kat na ne ang thu cu tuhbäi nami ng’ya yawp ci nei.

MATTHE 11:21

“Aw Khorayin gawnu, nang cu thüisei nak om ci. Aw Bethsaidah gawnu, nang phi thüisei nak om ci. Nangmi ung kamdang ah cäi aih gui vai cu, Tire la Sidon ung kamdang vai sü ung, ngami cu cau pui, katnak ungka ng’yu nak ah sui sui ne, m’vut awn ng’hluk ne ami katnak ungka ng’yu ba khai sü gui te.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

JEREMIAH 36:24

Cun ung phi ghangpughang la bawi gui acun ng’yak ci gui cu, a i ah phi ami kyihkyawk nak, ami ayä nak kä m’dang ci gui.

ISAIAH 36:22

Eliakim, shebna la Joah cu thüisei ne ami sui k’teek u neta, hteit ba ne, Assirian bawi ah thu pyen eu ghangpughang am m’thein ba ci gui.

ISAIAH 32:11

Nangmi cu, a yäi ah nami ghing om ci, ng’ä ai nak kä om ci; Cun ung phi tuh bäi, kyi ne ng’hlet vä! Nami sui sak gui sut u ne, pyonshe awn nami khei k’htün vä.

SAM 69:11

Thüi nak sui, sui ngä sei, na gaih tuk ci gui.

JOB 2:12

Ngami naw Job cu ashou nak ah ka naw hmu u ne phi ka hmat ba ci gui. Ani hmu law u neta ngami cu thuikyap ci gui. Ami sui teek ne kyap u ne m’vut phyang ne ami lu bu ci gui.

JOB 1:20

Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.

NEHEMIAH 9:1

A cun ah cha a hnüüp m’ku lei phli nak ung Israel chang gui cu ami hmakat nak thüi ne ami ng’yu ba ah mawng ami m’dang nak ah ei hlawi khai gui ah ng’bum ci gui. Ngami cu akhui hei chang van ami van awn ami mät ng’pai pyi ci gui ah kyak ci. Ngami cu ami thüisei nak dang khai ah suishe sui ne, ami lu khan ah m’vut tha u ne kyak ci gui. Cun kawn ah ng’düi law u neta ami mät la ami pupa gui ah m’cheishoh ah hmakat nak gui cu ng’yu ba ci gui.

1 SHONTÄP NAK 21:16

David naw, khanchang cu a kut ung a khimsem kawt ne, Jerusalem cu m’ding ge khai ah khokhi ung ng’düi sei hmuk ci. Cun kawn ah David la ami ng’vaihta gui-ami van naw suishe sui u ne-ami hmai naw m’dek tawn khai ah kawp ci gui.

2 GHANGPUGHANG GUI 19:1

Ghangpughang Hezekiah cu cun ah ng’thu ang yak vai am thüisei ne, a sui gui k’teek ne, sui she sui neta Bawipa ah Taigüim ah hteit ci.

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

1 GHANGPUGHANG GUI 20:31

A bawi gui naw a pei ah hteit ne ami pyen nak cu, “Israel ghangpughang gui cu chimgein nak om ciah mi ng’yak ci, Israel ghangpughang ah na hteh sak gui ä, kami khei ung suishe pat ne, kami hngü ung suinu awi ne kami hteit khai, ani naw nang ah hnungui ning phyawn nei hman khai nei” cik ci gui.

2 SAMUEL 1:11

David naw thüi ne a sui cu k’teek ci, ak chang gui ami van a cun ah kyak ci gui.

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

ATÜNNAK 42:38

Jakob naw, “Ka hta cu nangmi ah sung ah kä hteit tuk khai, a phäi hta cu si pyi ci, amät bäng om ba ci, lam ah a sih kiuk ung kä bä khai. Kei cu ka ghi lawk ci, nangmi ah bi ah khüikha nak naw na m’sih lawk khai nei” cik ci.

ATÜNNAK 44:13

A phäi gui cu ami sui k’teek ne azä u ne, laa ung ami phuih taih ba u ne mang gaw ah ng’hlat tu ba ci gui.

2 GHANGPUGHANG GUI 2:12

Elisha naw hmu neta, Elijah cu kyap ne khü ci, “Kapa, kapa! M’gäi ne, Israel gui shungvong gui ci! Nang cu na ng’kawn pyi ci nei!” Cun kawn ah ani naw Elijah cu kä hmu ba ci. Elisha naw thüisei ne, a suinu cu hnih ah k’teek ci.

2 GHANGPUGHANG GUI 22:11

Ghangpughang naw ca uk a phat cu ng’ya neta, ani naw thüi ne a sui k’teek neta,

1 SHONTÄP NAK 7:22

Ami pa Ephraim cu ngami ah phäh ah khaw hnüüp akda ung thüi sei, amätyah gui naw law ne khüi ci gui.

JOB 16:15

Kei cu sui akheei sui ne ka thüi kyap ci nei, Ka shung ciah kya ne m’vut ung ka ngok ci nei.

JEREMIAH 48:37

Ngami ami van naw ami lu k’teiu u ne ami m’khamu phi k’teiu ci gui. Ngami ami van naw ami kut aat u ne, chang nü naw suishe sui ci gui.

SUKI GUI 11:35

Ani naw cun ah hnumi hta cu hmu neta, thüi ne, a sui k’teek neta a pyen cu, “Oh, ka hta hnumi! Nang naw ka m’lung msin na na nat sak ci nei! Kei ah m’lung na nat sak cicu a i ah kyasei, nang ah a kyak ang? Kei naw Bawipa ung a küi ah thu ka khan pyi ci nei, kei naw kä ka k’pyai ba hlawt khai nei! cik ci.