ATÜNNAK 37:21 - Cho Bible Common Language 2016

²¹ Cun ami cicu Reuben naw ng’ya gui neta, Joseph cu gung khai ah k’tha nak ci. Ani naw, “Kä mi ngawn hnga kaw;

ATÜNNAK 37:21 Referans Kwoze

ATÜNNAK 42:22

Reuben naw, “Kei naw ka ning pyen na gui ci, a hmaw kä mi bi kaw, ka ci te ci, cun ung phi kä nami ngai ci. Tuhbäi ani ah sih nak cu mi chaw nak ah kyak ci” cik ci.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

JOSHUA 10:28

Joshua naw Makkedah la cun ung ghangpughang cu, acu hnüüp tu ne khäm ci, mang gaw ung om ci päng ngawn ci, a u kä m’ghin ci. Ani naw Jerikho ghangpughang a ciah mäih ah Makkedah ghangpughang phi cik ci.

ATÜNNAK 35:22

Jakob cu cun ah khaw ung a om yah ung a hta Reuben la ak chuba Bilhah cu ng’yaw ci goi, cun cu Jakob naw hmat ci. Jakob cu gha lei goi ah hta ci.

ATÜNNAK 9:5

Chang ah hnun gui m’kat cicu m’kyuk nak gah khai. Khisa naw chang am kat ah a kyak ung kei naw sih nak pe ne ka m’kyuk khai.

ATÜNNAK 37:22

bung puk ah hteh püi neta, khui ung mi yuk chah kaw” cine Joseph cu k’phiawn neta apa ah tüi ba khai ah ngai ci.