ATÜNNAK 37:14 - Cho Bible Common Language 2016

¹⁴ Apa naw, “Na phäi gui ami gai la htome gui ami phyawn ah hteit ne teng neta, na na m’thein law ba vai nei” cine m’cäi ne, Hebron khaw ng’nawi ah ka Shekhem ah a hteh vai ah tüi ci. Joseph cu Shekhem ah gawk ne

ATÜNNAK 37:14 Referans Kwoze

ATÜNNAK 35:27

Jakob cu apa Isaak ah om nak Hebron ah pei Mamre khaw ah hteit ci. Cun cu Abraham la Isaak ah om nak ah kyak ci.

LUKA 19:42

nang naw tuhngawi dimdeeih nak na hmat vai sü ung, yeikyai nak om khai sü te, cun ung phi nang naw, cun kä na hmuk ci.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

JEREMIAH 29:7

Thawng kium ah kya ne nami hteh vai ah ka ning bi nak gui mang gaw gui ah ni nak vai, a i ah kyasei ci ung ngami ami bühmang law ung nangmi phi nami bühmang tuk khai.

1 GHANGPUGHANG GUI 2:33

Chang ami ngawn ah phäh ah m’kyuk nak cu Joab la a hta ng’shon ah khan ah ngawi yä kya lawk khai. Cun ung phi a mangkiang ung ngok ciah David ah hta ng’shon gui läi am Bawipa naw ang’täi sei näng nak pe gui khai.”

2 SAMUEL 18:32

Ghangpughang naw, “Chang nong Absalom cu phyawng ne ang?” cine ng’shik ci. Changshäm naw, “Bawi aw, kei naw ka ng’yak hlü cu, ani ah khan ung gawk cicu na ga gui avan la ning hnu tuk püi ci gui avan ah khan ah gawk tu sä” cik ci.

JOSHUA 14:13

Joshua naw Jephunneh ah hta Kaleb cu hriham pe neta, Hebron mang gaw cu a kaa nak vai ah pek ci.

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

ATÜNNAK 41:16

Joseph naw, “Uk ciah bawi aw, kei a i kä ka hmat ci nei, Khanpughi naw akni pi ah k’phlan khai nei” cik ci.

ATÜNNAK 29:6

Ani naw, “Ani cu gai naw?” cine ng’shi gui ci. Ngami naw, “Gai ci nei, a hta hnumi Rachelah cu htawme gui hoi ne lawk ci nei” cik ci gui.

ATÜNNAK 23:2

Ani cu Kanaan khaw Hebron gawnu ah si khäta, Abraham cu anghtei ah thüi kyap ci.

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

JOSHUA 14:15

Kä cun pha ung Hebron cu Arba mang gaw ah khü ci gui. (Arba cu Anakim gui ah akdäm pikbäih ah kyak ci.) Cun ah khaw ung tuhbäi dimdeeih nak kä om ci.

ATÜNNAK 23:19

Cun ah kyasei Abraham naw ak chu Sarah cu Kanaan khaw, acun ah ng’cim hmun ung k’phuh ci.

ATÜNNAK 37:15

bung ah hteit shüi shüi khäta, chang tumat naw hmu neta, “A i na shui ci ang?” cine ng’shik ci.

JOSHUA 14:14

Hebron cu tu ä güt ung, Kenizzit chang, Jephunneh ah hta, Kaleb ah htangshon naw kaa nak ci. A i ah kyasei ci ung ani naw Israel Khanpughi Bawipa cu bekhüt ne a läk ah hmawk ah kyak ci.

SUKI GUI 1:10

Ngami naw Hebron mang gaw ung om ciah Kanaanit gui cu hnu ng’tuk püi ne hteit ci gui, cun cu Kiriath Arba ah khü ci gui. A cu ah Sheshai, Ahiman, la Talmal pahta gui cu ngami naw hnim ci gui.

2 SAMUEL 11:7

Uriah law khäta, David naw, Joab la gakap gui ami gai ah mawng, ami ng’tuk a i hawkcha a kyak ah mawng cu ng’shik ci.

ATÜNNAK 43:27

Ani naw yavaih na gui neta, “Yan ung nami pyen ah nami pa, ghipa cu ghing ne ang?” cine ng’shi gui ci.

1 SAMUEL 17:22

David naw ei k’thak gui ah ng’vai am ei vai a hteh püi cu nawng pe shüt neta, ami ng’tuk nak vai ah dawng ne, aphäi gui ah hteit neta, a i ah ami kyak ng’shi gui ci.

ESTA 2:11

Ani a i ah a kyak la ani ah khan ah a i hawkcha ah a kyak cu hnumi hta gui ah om nak ah im ah a hmai täng ah hteit shüi shüi ne a hnüüp tä sei teng ci ci.