ATÜNNAK 36:8 - Cho Bible Common Language 2016

⁸ Cun ah kyasei Esau cu Edom khawgui ah hteit ne om ci.

ATÜNNAK 36:8 Referans Kwoze

ATÜNNAK 32:3

Jakob naw a phäi Esau ah om nak Edom khaw ah ng’shä tüi ma ci.

MALAKHI 1:3

Esau la a hta ng’shon cu ka gen ci. Esau ah khogui hmun cu khaw tai ah kyak sak ne, cun ah khaw cu sa-ui gui am ka nawng pe gui ci.”

2 SHONTÄP NAK 20:23

Ammonit gui la Moabit gui naw Edomit gui cu tu gui u ne m’di gui ci gui, cun kawn ah ami mät ak hnu ah ng’tuk ci gui.

2 SHONTÄP NAK 20:10

“Tuhbäi Ammon, Moab la Edom chang gui naw na tu gui ci gui nei. Kami pupa gui Egypt ah ka ami law ba yah ung, shin ah khaw ung nang naw kä na luh sak gui ci, cun ah kyasei kami pupa gui naw veing gui ne hteit u ne kä m’di gui ci gui.

1 SHONTÄP NAK 4:42

Edom ah ak kiangtäng ah Simeon pakhui ungka chang phya hma cu hteit ci gui. Ngami cu Ishi ah hta gui naw lam shüm gui ci: Cun gui cu Pelatiah, Neariah, Rephaiah la Uzziel.

JOSHUA 24:4

Isaak ungka naw Jakob la Esau ka pek ci. Kei naw Esau am a kaa nak vai ah Edom khawgui ka pek ci. Cun ung phi nangmi ah pupa Jakob la a hta nau gui cu Egypt khaw ah hteit ci gui.

THULÄÄN NAK 2:5

Cun ung phi ngami ma ne kä nami ng’tuk püi gui en vai. A i ah kyasei ci ung ngami ah khaw ng’leh ät hta phi kei naw nangmi am kä ka ning pe gui khai. Kei naw Edom cu Esua ah htangshon gui am ka pe pyi ci.

ATÜNNAK 36:1

Shin cu Edom ah ming ciah Esau ah htangshon ah a mawng ah kyak ci.

ATÜNNAK 14:6

Edom khaw gui ungka Horit chang gui cu, bung pukpei ah om ciah Elaparan ung khüt sei tu gui ci gui.

ATÜNNAK 36:9

Shin cu Esau ah htangshon Edom pakhui ah mawng ah kyak ci.

THULÄÄN NAK 2:4

Shin ah m’shümthein nak gui ka ning pek gui vai ah ani naw na m’thein ci. Nangmi naw Edom khaw-gui kaan ne nami hteit khai kyak ci. Cun cu Esua ah htangshon gui, nangmi awn ng’shawng ne nami om ciah nami mätyah gui ah kyak ci. Ngami naw ning kyih gui khai gui.

THULÄÄN NAK 2:22

Edom khaw-gui ung om ci gui ah Esau ah htangshon Edomit chang gui ah khan ah phi Bawipa naw acun ah mäih ah bik ci. Ani naw Horit chang gui cu m’di gui ci. Cun ah kyasei Edomit chang gui naw ami khaw lak pe gui u ne om nak ci gui, tuh güt acun ung om ci gui.

JEREMIAH 40:11

Cun sang ung, Israel gui ami van, moab, Ammon, Edom la ahei khopäng gui ung om ci gui naw, Babilonian ghangpughang naw Israel om shah gui cu Judah khaw ung om sak gui ne, ami uk tu ah Kedaliah cu tha ci, cicu ng’yak ci gui.

ATÜNNAK 25:30

Kei ei ka cawi ci nei, sen ciah antui cä na m’bei ä” cik ci. (Cun ah kyasei ani cu Edom ah ami sui.)

ATÜNNAK 32:4

Ani naw a tüih gui ah chang gui am cäi gui cu, “Ka bawi Esau am nami m’thein vai nei. Kei, Jakob na thu ngai ciah na changshäm cu, tuhbäi ka law ba vai güt ung, Laban ah ka om tuk ci nei.

1 SAMUEL 14:47

Saul naw Israel ghangpughang ah a kyak law kawn ah akhaw päng ung a ga gui avan cu tu gui yawp ci: Ammon la Edom, Moab chang gui, Zobah la Philistin ghangpughang gui. Atuk nak päng ah ani cu näng ci.

OBADIAH 1:1

Shin cu Obadiah ah ng’cäbang — Edom pakhui ah mawng, Uktu Bawipa ah ng’thu pyen ah kyak ci. Bawipa naw ang shächang cu pakhui nü ah tüi ci, cun kawn ah ang thu cu kami ng’ya pyi ci: “Pawng vä! Edom tuk vai ah mi hteit kaw!”

OBADIAH 1:3

Na khähghah naw ning m’hleei ci, Na mang gaw cu kheng lung ah m’liu ci; Na im cu khomhtung pha ne hlüng ci, cun ah kyasei na mät ng’htau ne, ‘A u naw kä na buh tawn hlawt khai ang?’ na cik ci.