ATÜNNAK 35:9 - Cho Bible Common Language 2016

⁹ Jakob cu Mesopotamia ah kaa a law ba lam ah Khanpughi cu ng’dang law ba ne hriham pek ci.

ATÜNNAK 35:9 Referans Kwoze

ATÜNNAK 35:1

Khanpughi naw Jakob am, “Tuhbäi Bethela ah hteit ne na om vai nei. A cu ah kei ah hmawk ah mangkiang na cawh vai nei. Kei cu na phäi Esau nawng shüt ne na dawng yah ung ng’dang lawk ciah Khanpughi ah ka kyak ci nei” cine pyen nak ci.

ATÜNNAK 26:2

Bawipa cu Isaak ah ma ah dang law neta, “Egypt khaw ah kä na hteh vai, kei naw na om nak vai ka pyen ah a shin ah khaw ung na om vai.

ATÜNNAK 18:1

Mamre sing ghing theing bung ah Abraham ah ma ah Bawipa ang dang ah mawng cu; khaw hnüüp lunglai yah ung Abraham naw a phung m’kawt pei ah ngo ne dan netah,

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

LAMKTU 7:2

Stephen naw, “Phäi nau gui lah Pa ng’vai gui aw, nang ngai vä, mi pughi Abraham cu Haran khaw ah hteit ne kä a om pha ung Mesopotamia ah a om yah ung hlüng tai ciah Khanpughi cu ng’dang netah,”

HOSEA 12:4

Ani naw khankho chang cu ng’tuk püi ne näng ci. Ani naw kyap ne hriham k’thäh ci. Bethela ung Khanpughi naw kami pupa Jakob ah law neta ng’thu püi ci.

JEREMIAH 31:3

ashou nak ah ka naw ngami ung ka ng’dang ci. Israel chang gui, kei naw angtäi sei ka ning m’hni gui ci, Cun ah kyasei kei naw ng’täi ciah ka m’hni nak cu k’täi ne ka ning m’dang gui ci.

ATÜNNAK 32:1

Jakob cu a hteh yah ung khanchang gui awn ng’hmuk ci gui.

ATÜNNAK 31:3

Cun kawn ah Bawipa naw ani am, “Na pupa na khui khaw ah na hteh ba vai nei, kei naw ka ning om püi khai nei” cine pyen nak ci.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

ATÜNNAK 25:20

Isaak cu a khaw kum phlikip ung (Mesopotamia khaw, Aramean chang) Bethuela ah hta, Laban ah be, Rebekka awn ng’chungla ci goi.

HOSEA 12:5

Shin cu Bawipa, m’gäi ciah Khanpughi nei — aming cu Bawipa ah kyasei ani cu khawihnah vai nei.