ATÜNNAK 35:3 - Cho Bible Common Language 2016

³ Mikmi cu shin ah khaw nawng ne Bethela ah mi hteit khai nei. A cu ah ka geinvai yah ung na m’htei ne hteh nak päng ah na khah püi ciah Khanpughi ah khawih kiang ka co khai nei” cik ci.

ATÜNNAK 35:3 Referans Kwoze

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

ATÜNNAK 32:7

Jakob cu ang htei ah cäi ne ng’ä ci. A chang gui, a sei a me gui, la kalauk gui avan cu hnih ah k’pai ci.

ATÜNNAK 31:3

Cun kawn ah Bawipa naw ani am, “Na pupa na khui khaw ah na hteh ba vai nei, kei naw ka ning om püi khai nei” cine pyen nak ci.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

ATÜNNAK 31:42

Kapa ah Khanpughi, Abraham la Isaak ah Khanpughi naw, kei kä a na om püi vai sü ung nang naw kei cu ka k’plui ah na na gawt ba khai süte nei. Khanpughi naw ka bilawh la ka yaica cu hmuh neta, zanmü nang cu a ning k’dee ah kyak ci nei.

ISAIAH 30:19

Nangmi Jerusalem ung om ciah chang gui kä nami kyap ba khai. Bawipa naw ning geng khen gui ci, aning m’htei gui vai ah nami kyah ung ning m’shang gui khai nei.

SAM 107:6

Ami gein vai nak ungka naw Bawipa cu khü u sei, ami yaica nak ungka ani naw hun gui ci.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

ATÜNNAK 32:24

Jakob cu amät om shüt ci. Chang tumat law ne ani cu thaai ne ng’pyei püi ci.

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

SAM 107:8

Bawipa ah ng’täi ciah am hni nak la ngami ah hmawk ah cäicat vai gui abi ah phäh ah m’hlüngtai u sä.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

SAM 46:1

Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.

ATÜNNAK 35:4

Cun ah kyasei ngami naw ami khanpughi gui la ami hnga naak gui avan cu Jakob am pek ci gui. Jakob naw cun gui cu Shekhem pigaw pei hlim sing kaa ah k’phuh ci.

ATÜNNAK 35:7

A cun ung ani naw Khanpughi ah mangkiang co neta Bethela ah sui ba ci. Cun cu ani a phäi ungka a dawng yah ung Khanpughi naw ang dang nak ah kyak ci.

1 SAMUEL 10:3

Nang cu cun ungka naw na hteit khai, theing ciah sing ghing ah om nak Tabor ah kä na law pha ah chuih, cun ah lam ung, Bethela pigaw ah Khanpughi am khawihnah nak douthak khai ah ana lawk ciah chang thum cu na hmuk khai. Chang tumat naw me nong thum so khai, tumat naw m’htut pum thum kawt khai, tumat naw sapyit tui be ciah ng’ip k’bah khai.

ATÜNNAK 48:15

Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!