ATÜNNAK 35:2 - Cho Bible Common Language 2016

² Cun kawn ah Jakob naw akyong ungka gui la a chang gui avan am, “Nami ng’lung ah om ciah a hei khanpughi gui cu nawng u ne, nami mät theingcim sak u ne, nami suisak phi ng’thong yawp vä.

ATÜNNAK 35:2 Referans Kwoze

PHYAWN NAK 19:14

Moses naw m’htung ah kaa kyum law ba neta, khawihnah ge vai ah ami om vai ah chang gui cu m’thein gui ci. Cun ah kyasei ngami cu ami suisak m’suk ci gui.

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

JOSHUA 24:23

“Cun ung nangmi ung om ciah a khaw hei khanpughi gui cu nami nawng vai nei” ci neta, ani naw k’thäh gui ne, Bawipa Israel Khanpughi ah ma ah nami bekhüt nak cu nami ng’kham vai nei” cik ci.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

THULÄÄN NAK 32:16

Agup ami pyan gui naw Bawipa cu m’thüi sak ci, Akshe ami bi naw ami m’lung shet sak ci.

ATÜNNAK 31:34

Rachelah naw khanpughi gui cu la ne, kalauk ung taih ah ng’ip ung thun neta ngoh nak ci. Laban naw kyong khui avan ung shui ne phi a gup gui cu kä hmuk ci.

ATÜNNAK 31:19

Laban cu htawme ah mu k’teiu khai ah a hei ah a hteh yah ung Rachelah naw apa ah khanpughi a gup gui cu m’gu ne hteh püi ci.

JUDE 1:23

Mei k’cang ung lut ciah chang gui phi nami khui tu ba gui vai nei. Chang amshah gui cu kyihkyawk nak awn nami chimgein vai, cun ung phi ami ng’yaw ng’koh shetkat nak kawpkai ciah ami suisak läi cu m’shemshai ci nei.

KALATIAN 4:8

Nangmi cu Khanpughi kä nami hmat pha ung, Khanpughi ah ng’hlawk ci gui ah khlei htein ah nami kya man ci.

1 KORIN 10:7

ngahmi ah mäih ah a gup kämi khawihnah vai ah ana khäntam nak gui ah kyak ci, cacim ung, “Chang gui cu ng’hne ne ei awktat u ne ng’nauknam ci gui” ciah om ci.

LAMKTU 19:26

Tukbäi nami hmuhmat ah mäih ah Paul naw, chang ah pyan ah a gup gui cu Khanpughi ah kä kya ci nei, cine Ephesus bäng ung ah kä kya ciah Asia kho avan ung changgui m’hleeihlak ne lam hma sak gui ci nei.

DANIEL 5:4

ghui ni, ngui ni, kyei ni, m’sii ni, sing ni, lung ni awn ami pyan ah khanpughi gui cu m’hlüngtai ci gui.

EZEKIEL 20:7

Kei naw ka m’thein gui ci, ami m’hni ah shemshai ciah agup gui cu ghawt u ne, Egypt gui ah kä hman ciah khanpughi gui awn ami mät kä theing khai ah kä ami bi vai, a i ah kyasei ci ung kei cu Bawipa ami Khanpughi ah ka kyak ci.

JEREMIAH 16:20

Chang gui naw ami mät ah khanpughi pyang hnung u ne ang? Ka nei, ami pyan hning ah a kyak ung cun cu khanpughi akcang ah kä kyak khai nei.”

JEREMIAH 13:27

Ani naw a thüi nak gui nangmi naw nami bi cu ning hmu gui ci nangmi cu a im pei ah ami chu ng’ya hlüt ciah pami ah mäih, ng’sein ca naw seng aläk ah mäih ah khogui ma la lolai ung khogam khanpughi gui nami läk cu ani naw ning hmu gui ci. Jerusalem chang gui, nami ng’ziin ci nei, a i yah ung nami theingthap lawk khai ang?

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

ISAIAH 1:16

Nami mät naw nami mät htaih khai ah m’si vä kei naw ka ning hmuh gui ah nami bi ah akshe avan cu düm sak vä. Ä, akshe bi cu ng’düm sak ne.

THUSHÄUTU 5:1

Taigüim ah nami hteh ung ng’thei vai ah hteh cu ni pi ci. Nami geing nak vai. A cu ah hteit ne ngaih yak cu a hma la a hman kä hmat ciah chang gu-ang naw khawihnah a douthak ah ta bä tuba ci.

SAM 51:7

Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.

SAM 51:2

Ka shet nak gui phung na m’si pe ne, ka cheishoh nak phung na theing sak ä!

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

1 SHONTÄP NAK 16:26

Chang pakhui gui ah ami khanpughi gui cu a gup gui ah kyak ci nei, Cun ung phi Bawipa naw khankho cu tüipyang ci nei.

2 GHANGPUGHANG GUI 17:29

Cun ung phi Samaria ung om tuk ci gui naw ami mät ah a gup gui pyang u ne, Israel gui naw ami cawh ah cagat gui ung tha ci gui. Ami mät ah ang bum phäh phäh naw ami om nak tu ah mang gaw ung a gup pyang bäng bäng ci gui:

2 GHANGPUGHANG GUI 5:10

Elisha naw changshäm tüi law ne, Jordan tuinu ah hteit ne chih vei angsi vai ah m’thein sak ci, cun ung a gaw nak maih yüm yüm khai nei cik ci.

2 SAMUEL 7:23

Khomdek khan ung Israel ah mäih a hei pakhui kä om ci, na mät ah chang ah na pyan gui vai ah khleihtein ungka, na gun gui ah kyak ci. Küikyang ci la cäicat vai gui, ngami ah phäh ah na bi gui cu khomdek khan avan ung püi ne gawk ci nei. Na mät ah chang gui vai ah Egypt ungka na m’hlawt ah chang gui ah ma ah, a hei pakhui gui la ami khanpughi gui cu nang naw na k’täm gui pyi ci nei.

RUT 1:15

Naomi naw ani am, “Ruth, na paihta nai cu ak chang gui la ak khanpughi ah hteit ba ci nei. Ani awn a täng ah na im ah hteit tu ba ä” cik ci.

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

JOSHUA 24:20

nangmi naw a khaw hei khanpughi gui khawihnah vai a, ani nami hteh tak ah a kyak ung, ani naw ng’hlat ne ning hnungtuk püi gui khai, ning m’kyuk gui khai. Ani cu yanä nangmi ung ani man pang ung phi, ani naw ning m’di gui khai.”

JOSHUA 24:2

Joshua naw chang gui avan am, “Shin cu Bawipa, Israel Khanpughi naw a pyen ah kyak ci,” Cau pui nami pupa gui cu Euphratis tuionu ah van ga ung om u ne, a hei khanpughi gui khawihnah man ci gui. Nami pupa tumat cu Terah, Abraham la Nahor ah pa ah kyak ci.

JOSHUA 23:7

Nami ng’lung ah pawih ba ciah shin ah chang gui awn kä nami guigong vai, ami khanpughi gui ah ming kä nami pyen tu vai, acun gui ah ming awn kä nami ng’phyun vai, cun ah khanpughi gui kä nami khawihnah vai, ami ma ah kä nami m’khuukdong vai.

THULÄÄN NAK 11:28

Plah taam, shin ah thumkhän gui kä läk ne kä nami khawihnah man ah khanpughi gui ng’hlah shi ne nami khawihnah ah a kyak ung, nami gah khai.

THULÄÄN NAK 7:25

Ami ngui ghui gui cu nami m’khih vai. Acun ung om ciah ngui ghui gui cu kä nami ng’yak hlü vai. Nami mät ah kaa vai ah kä nami lak en vai. Nami lak ah a kyak ung sih nak vai kya hning ci. A i ah kyasei ci ung Bawipa naw a gup cu thüi nak ci.

THULÄÄN NAK 6:14

Ahei khanpughi kä nami khawihnah vai. Nami peileng ah om c iah chang gui ah khanpughi kä nami khawihnah tu vai.

THULÄÄN NAK 5:7

“Kei ah kawn ah a hei khanpughi kä nami khawihnah vai.

KHEI NAK 31:24

A hnüüp chih hnüüp nami sui nami phäk vai; cun ung nangmi cu nami theingthap khai, cun kawn ah shaum pigaw ung nami lut tuba hning khai.”

TAIGÜTHUM 17:16

Cun ah kä mi bi läi ung, ngami cu ami mät ah om ah phäh ah ami ma lam ung yaica khai gui.

TAIGÜTHUM 15:5

Ani ah a ih nak tawn ci phung, kä cung

PHYAWN NAK 23:13

“Kei, Bawipa naw ka ning thu püi gui phung cu nami ngaih vai. A hei khanpughi gui ah kä nami taigü vai, ami ming pang phi kä nami pyen vai.

ATÜNNAK 35:22

Jakob cu cun ah khaw ung a om yah ung a hta Reuben la ak chuba Bilhah cu ng’yaw ci goi, cun cu Jakob naw hmat ci. Jakob cu gha lei goi ah hta ci.

ATÜNNAK 34:2

Cun ah khaw uk ciah Hivit pakhui Hamora ah hta Shekhem ami ng’vaipi naw ani cu hmu neta phye ne k’pyei ci.

ATÜNNAK 31:30

Nang cu na im ah hteit ba hlü aih neta na hteh ba cu ka hmat ci. Cun ung phi a i ah kyasei ka khanpughi cu m’gu ne na hteh püi ang?” cine ng’shik ci.

1 SAMUEL 16:5

Ani naw, “Ä, kei cu Bawipa am khawihnah nak ka douthak khai ah ka lawk ci nei. Nami mät theingthap sak neta law tu vä” cik ci. Ani naw Jesse la a hta gui phi ami mät ami theingthap vai ah pyen na gui neta, khawihnah nak ah khü gui ci.

JOSHUA 24:14

Tuhbäi cun kawn ah, Joshua naw k’täi ne, “Bawipa cu m’tamkhah ne kyäp nep nak la bekhüt nak awn abii nami bi vai. Egypt la Mesopotamia khaw ah nami pupa gui naw ami khawihnah man ah khanpughi gui cu nami phyawn nak gui vai, Bawipa bäng ah khut nami bi vai.