ATÜNNAK 34:30 - Cho Bible Common Language 2016

³⁰ Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.

ATÜNNAK 34:30 Referans Kwoze

SAM 105:12

Khanpughi ah chang gui cu ken ci gui, Kanaan kho ah om k’tu ah kyak ci gui.

1 SAMUEL 13:4

Israel gui ami m’thein gui cu, Saul naw philistin gabawi ngawn pyi ci, cun ah kyasei philistin gui naw thüi na gui ci gui. Cun ah kyasei Gilgal ung Saul ung ng’dawn tu vai ah chang gui naw Saul ah ng’khü cu m’shang ci gui.

JOSHUA 7:25

Cun kawn ah Joshua naw, “A i ah kyasei shin ah khükha nak keimi ah khan ah na law püi ang? Tuhbäi Bawipa naw na khan ah khüikha nak law püi ci nei” cik ci. Chang avan naw Achan cu sik khai ah lung awn vawi ci gui. Akyong chang gui la a khawh gui cun phi lung awn vawi ne mei awn m’khih ci gui.

PHYAWN NAK 5:21

Ngami naw Moses la Aaron am, “A i nani bi cu Bawipa naw hmuk ci nei, ghangpughang la bawi gui naw ami na gen gui vai ah nani bi ah hmawk ah ning m’kyuk goi khai nei. Ngami naw ami na ngawn nak gui vai ah, nangni naw a mawng akni nani bik ci nei” cik ci gui.

1 SHONTÄP NAK 19:6

Ghangpughang Hanun la Ammonit gui naw David cu ami ga ah kyak khai ah ami bi cu hmat u neta, Mesopotamia ak cholam ungka la Maakah la Zobah Sirian khopäng ungka yatha gui la yatha ng’cum ci gui cu ngui kilokram phia thumkip lei phli pe ne ng’vat ci gui.

1 SHONTÄP NAK 16:19

Khanpughi ah chang gui cu khei ung ken ci gui, Kaanan khaw ung khin ah kyak ci gui.

1 SAMUEL 27:12

Achish naw David cu ngaih gep neta, “Ani cu amät ah chang Israel gui naw ang htei ah ami thüi nak ah kyak ci, cun ah kyasei ani naw a ghin ah chuih kei ah bi bik khai” cine amät ng’htau ci.

ATÜNNAK 13:7

Abram ah sei shäm ci gui la Lotah ah sei shäm ci gui phi a shäng shäng ng’gen ne ng’tuk ci gui. (Cun sang ung Kanaan chang gui la Perissit chang gui phi acun ah khaw ung om yah ci gui.)

NG'THU K'THUUK~ 15:27

Ka dung nak awn khawh gah vai ah bik ci naw a kyong khui geinvai sak ci, ng’mu khawh ka dou cicu a ghin nak shou ci.

NG'THU K'THUUK~ 11:29

A kyong khui ung khüikha nak gawk law sak ciah chang cu, ak hnu ah akholä ma nak khai. Ang lam ciah chang cu angtäi sei cüivai ciah chang ah changshäm ah kyak khai.

NG'THU K'THUUK~ 11:17

Na mät nani yah ung na mät naw na mät na m’tam ci, na mät na nget yah ung na mät naw na mät na tüihtok ci.

1 SHONTÄP NAK 16:12

Nangmi Jakob ah htangshon, Khanpughi ah changshäm gui, Khanpughi naw a ghü ah Israel ah htangshon gui, Khanpughi naw am dang ah cäi aih vai gui la ani naw a pek ah ng’thumcha nak gui cu shüm ba vä.

1 SHONTÄP NAK 2:7

Akhan, Karmi ah hta, Zerah ah hta ng’shon ungka tumat ah kyak ci, ani naw ami guttep Khanpughi am ami ap ah hta khawh a thuh ah phäh ah Israel chang gui ah khan ah leigai law püi ciah kyak ci.

1 GHANGPUGHANG GUI 18:18

Elijah naw, “Kei cu khüikha nak bik ciah kä ka kyak ci, nang — nang la na pa nei. Nang cu Bawipa ah thumkhän gui kä läk ne, Baala ah a gup gui na khawihnah ci.

2 SAMUEL 10:6

Ammonit chang gui naw David cu ami ga ah kyak khai ah ci pyi ci gui ah hmat u neta, Bethrehob la Zobah ungka Sirian gakap phia phia goi, Tob ungka chang phia phia la m’ku, Maakah ghangpughang la a chang phia gha cu ng’vat ci gui.

1 SAMUEL 27:1

David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

1 SAMUEL 16:2

Samuel naw, “A i haw cha ah ka bi vai ang? Saul naw cun ah mawng ang yak ung kei na ngawn khai nei!” cik ci. Bawipa naw, “Seipat hta tumat hteh püi neta Bawipa cu cä ah khawihnah nak ka douthak khai, cine na pyen vai.

THULÄÄN NAK 7:7

“Chang pakhui hei gui ah ta nami da pi ah phäh ah Bawipa naw ning m’hni gui ne a ning ghü gui ah kä kyak ci, Nangmi cu m’dek khan ung ak ken pikbäih ah nami kyak ci.

THULÄÄN NAK 4:17

khisa, käcung kha,

ATÜNNAK 46:27

Egypt khaw ah Jakob cu hnih ah hta ba ci kya ne, acu ah hteit ciah Jakob ni kyong avan cu chih kip lawk ci.

ATÜNNAK 12:12

Egypt chang gui naw ning hmu u neta, kei ah chu ah ami ning hmat ah a kyak ung, kei cu na ngawn ne nang cu ning k’phyawn khai gui,

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

ATÜNNAK 34:2

Cun ah khaw uk ciah Hivit pakhui Hamora ah hta Shekhem ami ng’vaipi naw ani cu hmu neta phye ne k’pyei ci.

ATÜNNAK 34:29

Ngami naw a phu küi avan, hnumi nau sen avan la im khawh avan phi la yawp ci gui.

ATÜNNAK 34:31

Ngami naw, “Keimi ah bee cu chang pawmzau ah mäih ah chang naw a lawi nak vai cu kä kami yum khai nei” cik ci gui.

ATÜNNAK 46:26

Egypt khaw ah hteit ciah Jakob ah hta ng’shon ami van cu, a hta gui ah chu gui kä khei tu ah chuk kip la chuk lawk ci gui.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

ATÜNNAK 12:6

Shekhem hmun theing, Moreh sing ghing aktheing ah kung ah gawk ne hteit ci gui. (Cun sang ung cun ah khaw ah Kanaan chang gui om yah ci gui.)

2 SAMUEL 16:21

Ahithophela naw, “Mang im m’htei khai gui ah ami nawng shüt gui ah napa ah chuba gui cu, hteit ne yaw gui ä. Cun ung napa naw a ga ah a ning k’bäi cu Israel chang avan naw hmat khai gui, ning läk ci gui phi akdäm ah thamah khai gui nei” cik ci.

1 GHANGPUGHANG GUI 11:25

Ani cu Solomon a ghin ah chuih Israel gui ah ga ah kyak ci.