ATÜNNAK 34:2 - Cho Bible Common Language 2016

² Cun ah khaw uk ciah Hivit pakhui Hamora ah hta Shekhem ami ng’vaipi naw ani cu hmu neta phye ne k’pyei ci.

ATÜNNAK 34:2 Referans Kwoze

JOB 31:9

A vaisü ah kei cu ka pei ng’leng ah ka ah ak chu ng’ya hlü ne ngäng ne am kawt pei ah ng’thup ne ka kyak ah a kyak ung,

MATTHE 5:28

Cun ung phi tuhbäi kei ah pyein cu, “Ng’yak nak hlü ah m’lung awn hnumi tumat cu nami teng ah a kyak ung, nami m’lung kyong ah acun ah hnumi awn katnak nami bi pyii ci.

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

JOB 31:1

Kei naw a i yah ung phi hnumi hta cu ng’yak hlü nak awn kä ka teng khai ah shaitak ka bik ci nei.

SUKI GUI 14:1

Hnüüp ät ung Samson cu Timnah pigaw ah hteit ci, a cu ah Philistin hnumi hta cu hmuk ci.

2 SAMUEL 11:2

Hnüüp ät ung khaw k’awi nu ung; David cu ang yän nak ungka tho law ne, mang im k’cih khan ah hang kai ci. Ani cu hteit shüi neta tui ng’si ciah hnumi cu hmuk ci. Ani cu ang htei ah kyom ci.

THULÄÄN NAK 22:29

Ani naw hnumi hta ah a pa am, ngui pit hmakip a pek vai. Hnumi cu ak chu nak vai. A i ah kyasei ci ung ani naw, ling ne ang yaw püi ah kyak ci. Ani naw a ghin nak chuih kä ang cha en püi vai.

THULÄÄN NAK 22:24

Nangmi naw pigaw pung ah hteh püi goineta, lung awn vawi ne nami ngawn goi vai. Hnumi hta cu a sih vai kyak ci, a i ah kyasei ci ung cun ah chang naw ang yak nak vai ah gawnu kyong ah kya pang sei phi, ani cu chang naw a gun tu vai ah kä m’lau ci. Pami phi a sih vai kyak ci, a i ah kiasei ci ung ani cu ami beik pyi ah hnumi hta awn ng’yaw ci goi ah kyak ci. A cuk cha ah nangmi naw akshe cu nami nawt heng vai.

THULÄÄN NAK 21:14

A kawn ah ani kä na m’hni law ba ah a kyak ung nang naw na ng’päiye ah na hteh sak hning ci. Nang naw ani cu ling ne nang yawpawm püi ung tün ne ani cu changshäm ah mäih ah kä na om püi vai, kä na yoih vai.

ATÜNNAK 33:19

Ani naw Shekhem ah pa Hamora ah htangshon gui ah ami khaw amshah cu ngui phia awn thong ba ci.

ATÜNNAK 20:2

ak chu Sarah cu abe ah pyen ne m’thein tu gui ci. Cun kawn ah Kera ghangpughang Abimelek naw Sarah cu la ne hteh püi ci.

ATÜNNAK 10:17

Hivit gui, Akit gui, Sinit gui,

ATÜNNAK 6:2

Khanchang gui amshah naw cun ah hnumi hta gui kyom u sei hmu gui u neta, ami m’hni phäh phäh chu na ne om püi ci gui.

ATÜNNAK 34:3

Cun ung phi hnumi hta cu kyom ciah hmu law neta ani cu m’hni lawk ci.

ATÜNNAK 34:30

Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.

SUKI GUI 9:28

Kaala naw, “Mikmi Shekhem chang gui cu a i ah mäih chang gui ang? A i ah kyasei Abimelek ah bi mi bi ang? A ni a u ang? Kideon ah hta ah kä kia ne ang? Zebula naw ani ah ng’thu ngai ci, cun ung phi a i ah kyasei mikmi ani ung mi ng’bi vai ang? Nami pahta m’düih ciah nami pupa Hamor ung bekhüt vä!

ATÜNNAK 34:27

Cun kawn ah Jakob ah hta gui cu ami bee ami m’thüi ah phäh ah phu tuk khai gui ah law ba mä ci gui.

JOSHUA 9:7

Cun ung phi Israel chang gui naw, “A i ah kyasei nangmi awn hmuhchum nak kami bi vai ang? Nangmi ang et nak ung nami om ciah kyak khai nei” cik ci gui.

2 SAMUEL 11:4

David naw chang tüi ne ani cu law püi sak gui ci; ngami naw law püi u khäta ani naw m’hni ne ih püi ci. (Ani naw a cha shui cu a tuhbäi hta theing sak ciah kyak ci.) Cun kawn ah ani cu im ah hteit ba ci.

2 SAMUEL 13:14

Cun ung phi ani naw kä ngai ci; ani cu hnumi ah ta gai tu ba ci kya ne, ani naw m’khüt ne, pyei ci.