ATÜNNAK 34:19 - Cho Bible Common Language 2016

¹⁹ Shekhem naw Jakob ah hta hnumi phi m’hni aih neta, ang ghit ah vun-ah nak cu bik ci, ani cu ami kyong khui ung aküikyang pi ah kyak ci.

ATÜNNAK 34:19 Referans Kwoze

1 SHONTÄP NAK 4:9

Jebez ming nak ciah chang tumat om ci, ani cu akyong chang ung ami chang m’sui pikbäih tumat ah kyak ci. Ani cu a i ah kyasei, anu naw aming Jabez ah a sui ci ung a hta nak sangung am neh aih ah phäh ah kyak ci.

LAMKTU 17:12

Cun ah kya ne chang akda naw Bawipa Jesuh cu yum lawk ci gui, cun ah yum lawk ci gui ung bühmang ciah Krik hnumi gui la k’pami ng’vai gui phi akda om tuk ci gui.

LAMKTU 13:50

Cun ung phi Judah chang gui naw, gawnu ung ang vai gui la Khanpughi yum ciah ng’bümang ci gui ungka hnumi gui cu, took gui u sei, ngami naw Paul la Barnabas cu k’dudeiu na goi netah ami kho ung kä om tu ba khai goi ah gawt ne k’täm goi ci gui.

ISAIAH 62:4

“Ami nawng nei” cine a u naw kän ng’khü ba khai. Mi khaw phi “Nawng ah Chu nei” cine a u naw kä khü ba khai. Nang ah na ming thai cu, “Khanpughi naw a zei nak nei” ciah kyak ci. Nami khaw cu, “zeikiai nak awn ng’chula ci” cine khü khai gui. A i ah kyasei ci ung Bawipa naw nangmi cu ning yei na gui ci, ani cu nami khaw ah cei ah mäih ah kyak ci.

ISAIAH 5:13

Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.

SOLOMON NG’Ä~ 8:6

Kei ah kawn ah chang päng ung na m’lung na khai vai; kei ah kawn ah a u phi na kut awn kä na k’pan vai. M’hni nak cu sih nak hlawk ah a huham om ci; M’hni nak aih cu sih nak ah mäih ah ghaat ci. A cun naw mei m’lei ah ng’tawn ne, mei k’law ah mäih ah ui thei ci.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

1 SAMUEL 22:14

Ahimelek naw, “David cu nang ung bekhüt pi k’bäih ciah bawi ah kyak ci nei! Ani cu na kawi, nang ning ngäng ciah gabawi, mang im ung chang päng naw aktung ah ani chang m’sui ah kyak ci nei.

KHEI NAK 22:15

Cun kawn ah Balak naw ak htük ungka ah mä küikyang tuba ciah ang vai hta gui akda pi tüi ba gui ci.

ATÜNNAK 41:20

Akyung gui naw akplan gui cu ei gui ci gui.

ATÜNNAK 29:20

Jakob cu Rachelah a gah vai ah kum chih ung ng’hlawh ne bik ci. Cun ung phi Rachelah cu m’hni ci kya neta hnüüp api hta ah ngai ci.

ATÜNNAK 34:18

Cun ah ami pyen cu Hamora la a hta Shekhem naw yum ni neta,

ATÜNNAK 34:20

Hamora la a hta Shekhem naw, ng’hmuh teng nak ah hmun, mang gaw m’kawt ung hteit ni neta, ami chang paw gui ah ma ah ng’thu ani pyen cu;