ATÜNNAK 33:5 - Cho Bible Common Language 2016

⁵ Esau naw hnumi gui la a hmaw gui cu hmu law gui neta, “Shin ah na khah püi gui cu a u gui ang?” cine ng’shik ci. Jaokb naw, “Ka bawi aw, shin ah a hmaw gui cu Khanpughi naw bä ne ana pek ah kyak ci nei” cine m’shang ci.

ATÜNNAK 33:5 Referans Kwoze

SAM 127:3

Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

ISAIAH 8:18

Shin ung kei cu Bawipa naw ana pek ah ak hmaw gui awn atäng ah ka om ci nei. M’gäi ciah Bawipa, Zien m’htung ung among kyang om ci naw, Israel chang gui am, ghing ciah thu.

ATÜNNAK 48:9

Joseph naw, “Shin cu kei ah hta goi, Egypt khaw ah Khanpughi naw ana pek nei” cik ci. Jakob naw, “Law püi goi ä, hrilham ka pe goi khai nei” cik ci.

HEBRU 2:13

Cun kawn ah Bawipa naw, “Kei cu Khanpughi ung kang ap khai nei,” cik ci, cun kawn ah, “shin ung Khanpughi ah na peit ah hta gui awn a täng ah kami om ci nei,” cine pyein ba mä ci.

1 SHONTÄP NAK 28:5

Ani naw htapami akda na pek ci, cun gui avan ungka, ani naw Solomon cu Bawipa ah khaw ah kyak ciah Israel khaw avan uk khai ah ghü ci.

1 SAMUEL 1:27

Kei naw shin ah hmaw ah phäh ah ka ng’zoi thäh ci, ani naw ka yoi thäh cu na pek ci.

RUT 4:13

Cun ah kyasei Boaz naw Ruth cu a im ah hteh püi ne chu nak ci. Ani cu Bawipa naw hriham pe sei, käumah ne pami hta ah hta ci.

ATÜNNAK 30:2

Jakob naw, “Kei naw Khanpughi ah hnün ung om ne kä ka bi hning ci, nang na hta vai cu Khanpughi bäng naw bi hning ci” cine m’lung she ci.

ATÜNNAK 33:6

Cun kawn ah a changshäm gui la ami hta gui cu law ne kawp lawk ci gui;