ATÜNNAK 33:4 - Cho Bible Common Language 2016

⁴ Esau cu dawng law neta Jakob cu kyawp ne ng’ui sei ani nik hnih kyap ci goi.

ATÜNNAK 33:4 Referans Kwoze

SAM 34:4

Bawipa ah taigü ngä sei, ani naw nam shang ci; ka kyihkyawk nak gui ung na m’hlawt ci.

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

LAMKTU 20:37

Ngami naw Paul cu, kyap ne kyawp ne, ng’uui hnam u ne, gidam ci gui.

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

ATÜNNAK 46:29

Joseph cu ng’sehle ng’cum ne apa hmuk khai ah Koshen ah lawk ci. Ng’hmu law ni neta, Joseph naw apa cu a hnü ung kyawp ne aksho kyap ci.

ATÜNNAK 45:2

Ani cu m’lau ne kyap khäta, Egypt chang gui naw ng’ya u ne, mang im kyong ah khüt sei pyen ci gui.

JOB 2:12

Ngami naw Job cu ashou nak ah ka naw hmu u ne phi ka hmat ba ci gui. Ani hmu law u neta ngami cu thuikyap ci gui. Ami sui teek ne kyap u ne m’vut phyang ne ami lu bu ci gui.

NEHEMIAH 1:11

Tuhbäi kei ah taigü na ngaih pe ä, nang ning m’tamkhah hlük ciah a hei na chang gui ami van ah taigü phi ngaih peä. Tuhngawi kei ung näng nak na yuk pe lawä, uktu bawi am kei cu na chimgein sak ä.” Cun yah ung kei cu uktu bawi am sapyit tui thak ciah ka kyak ci nei.

ATÜNNAK 43:30

Joseph cu anau ah phäh ah amhni nak m’lung na aih khäta, ang ghit ah ng’düi law ne kyong ah va lut ba ne, akhan kyong ah kyap ci.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

ATÜNNAK 43:34

Buh cu Joseph ah tawnglang ungka lawh gui ci gui. Benjamin cu a phäi gui ah ta a hma ah däm pi khai ah pek ci gui. Ngami cu Joseph awn a täng ah ei aw ne yeikyai ci gui.

ATÜNNAK 29:11

Cun kawn ah Rachelah cu ng’ui neta yei aih ne kyap ci.

ATÜNNAK 29:13

Apa naw atu Jakob ah mawng ng’ya neta, ana dou khai ah dawng ne, ana kyawp ne, ng’ui neta a im ah hteh püi ci. Jakob naw Laban am a mawng avan cu m’thein tu khäta,

ATÜNNAK 32:11

Ka taigü ci nei, ka phäi Esau ah kut ung nak phyawn ä, kei cu ka kyik ci nei, ka phäi Esau cu kei la ka chu ka hta gui, avan na m’di gui khai ah law pyi ci nei.

2 SAMUEL 14:33

Cun ah kyasei Joab cu Ghangpughang David ah hteit ne Absalom ah pyen cu m’thein ci. Ghangpughang naw chang tüi ne Absalom cu khü ci. Absalom cu hteit ne, ama ah m’dek ung kawp ne, chang m’sui ci. Ghangpughang naw dou ne ng’ui ci.

1 SAMUEL 20:41

Ak hmaw a hteh ba kawn ah, David cu lung pum gui ah hnu ung ka tho law ba ne, m’khukdong ne, m’dek ung thum vei kawp ne khawihnah ci. Ani ni hnih cu kyap ni ne, ng’ui tuk ci goi; David ah thüi cu Jonathan ah ta tä pi ci.