ATÜNNAK 33:17 - Cho Bible Common Language 2016

¹⁷ Cun ungka naw Jakob cu Sukkoth ah gawk neta, amät ah phäh ah im co ne, a seime gui ah phäh ah sei im co ci. Cun ung tün ne cun ah hmun cu Sukkoth ah mingthang ci.

ATÜNNAK 33:17 Referans Kwoze

SAM 60:6

A theing ciim hmun ung om neta Khanpughi naw, “Nängnak awn Shekhem cu ka k’bo khai, Sukkoth kho ng’nawi cu ka chang gui awn ka pe gui khai.

SUKI GUI 8:5

Ngami cu Sukkoth ung gawk law u neta, ani naw gawnu ung om ciah chang gui am, “Nami bä ni, ka chang gui am m’htut api m’bei gui vä, ngami cu bawngbai ci gui ne, kei naw Midianit ghangpughang goi Zebah la Zalmunna cu kak täm goi ci nei” cik ci.

JOSHUA 13:27

Jordan khaw nawi ung Beth Haram, Bethnimrah, Sukkoth, la Zaphon, pawih ba ciah Heshbon ghangpughang Sihon ah uknak khaw avan. Akhei täng ung ami khawgii cu Jordan tuinu ah kia ne, a siiptäng ah Kalile tuili ung khüt ci.

SUKI GUI 8:16

Cun kawn ah ani naw ng’kyang ah ka ng’hling la hling küi gui cu la neta Sukkoth ami ng’vai gui m’kyuk nak gui vai mang ci.

SUKI GUI 8:8

Kideon cu Penuela ah phi hteit ne a cu ah om ciah chang gui am, acun ah mäih ah pyen nah gui ci, cun ung phi Penuela ung chang gui naw phi Sukkoth chang gui ah pyen ah mäih ah pyen ci gui.

1 GHANGPUGHANG GUI 7:46

Ghangpughang naw shin gui avan cu Jordan khongnawi Sukkoth la Zarethan ah anglak m’si shep nak ung a pyan ah kyak ci.

SUKI GUI 8:14

Ani naw lam ah Sukkoth ungka ak hmaw chang cu pha ne ng’shik ci. Cun ah hmaw chang naw Sukkoth ung ami ng’vai gui chih kip-lei chih ah ming cu Kideon am guk pek ci.

PHYAWN NAK 13:20

Israel gui cu Sukkoth ungka naw hteit ne, bung ah pei, Etham ung phung tu ne ng’düm ci gui.

PHYAWN NAK 12:37

Israel chang gui cu Ramese ungka naw Sukkoth hmun ung khüt sei ami khaw awn hteit ci gui. Ngami cu hnumi la a hmaw kä khei tu ung tämkäp phia chuk lawk ci gui.

ATÜNNAK 33:16

Esau cu a cu hnüüp Edom khaw ah gawk ba khai ah ng’hlat ne hteit ba ci.