ATÜNNAK 33:11 - Cho Bible Common Language 2016

¹¹ Na bä ni, nang ah hmawk ah ka law püi ah shin gui cu na dou peä, Khanpughi naw a päng küm khai ah kei cu na m’gein ci nei” ci neta Esau naw kä a dou pha a chuih Jakob naw pek ci.

ATÜNNAK 33:11 Referans Kwoze

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

1 SAMUEL 25:27

Na bä ni, saza, shin ah ka law püi ah laksawng cu dou vä, na chang gui am pe gui ä.

2 GHANGPUGHANG GUI 5:23

Naaman naw, “Na bä ni, ngui pit phia chukkip cu la ä, cine k’bäi ne bi neta, ngui cu ng’ip goi ung m’khäp ne khit neta, pe gui ne, a changshäm hnih am suinu ng’yung goi phi pe gui neta, Kehazi ah ma ung hteh sak gui ci.

ATÜNNAK 33:9

Esau naw, “Ka nau aw, kei ung a päng om ei ci nei, na kaa cu na mät naw kaa ei na ä” cik ci.

ATÜNNAK 30:43

Jakob cu ang htei ah ng’büh mang lawk ci. Ani ung htawme gui, kalauk gui, ng’se laa gui la changshäm gui akda om ci.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

1 KORIN 3:21

Cun ah kya sei chang ah bilawh nak awn a u phi kä khähghah hning ci. Akcang ah a päng avan cu nang mi naw nami khäm ci.

LUKA 14:23

Im mah naw, “Pigaw im lo yung nüng ah hteit ne, ka im ung be khai ah, chang gui khü law gui yä, ayan khü gui ma ah chang tumat naw phi;

2 GHANGPUGHANG GUI 2:17

Cun ung phi ani naw a hteh sak gui güt ngami cu liing ci gui, chang hmakip naw hteit ne Elijah cu agüng abang ung hnüüp thum lüng ne shui ci gui, cun ung phi kä hmuk ci gui.

1 SAMUEL 30:26

David cu Ziklak ah gawk law ba neta, ani naw khawh amshah cu a teih püi gui, Judah ng’vai gui am m’khäh gui ci, thu phi m’shäk gui ci, “Shin cu Bawipa ah ga gui ah ka, kami gah, nangmi ah phäh ah letsawng nei.”

SUKI GUI 1:15

Ani naw, “Kei naw tuilawng gui ka ng’ya hlük ci nei, na na pek ah khaw cu khaw chawng ah kyak ci nei” cik ci. Cun ah kyasei Kaleb naw acho la a hai ung tui m’lawi gui cu pek ci.

JOSHUA 15:19

Cun ah hnumi naw, “Tui long ah om nak ka ng’ya hlük ci nei. Na na pek ah khawbung cu khaw ng’gau ah kyak ci” cik ci. Kaleb naw akhan tuilong la aka tuilong cu pek ci.

ATÜNNAK 33:10

Jakob naw, “Na bä ni, ka phäi aw, nang ah yei nak ka hmuh nak vai ah shin gui cu na dou pe ä. Nang naw na na yei nak cu kei ah hmawk ah Khanpughi ah hmai hmuh ah mäih ah kyak ci nei.

ATÜNNAK 33:12

Esau naw, “Mi hteit ei khai nei, kei ma ne ka na hteit khai nei” cine pyen nak ci.

ATÜNNAK 32:21

Cun ah m’cümhnah nak pek khai gui cu tüi gui ma neta, a mät cu a cun ah phung ung ip ci.