ATÜNNAK 33:10 - Cho Bible Common Language 2016

¹⁰ Jakob naw, “Na bä ni, ka phäi aw, nang ah yei nak ka hmuh nak vai ah shin gui cu na dou pe ä. Nang naw na na yei nak cu kei ah hmawk ah Khanpughi ah hmai hmuh ah mäih ah kyak ci nei.

ATÜNNAK 33:10 Referans Kwoze

JOB 33:26

Ani a taigü ung Khanpughi naw m’shang khai, Ani naw yeikyai ne Khanpughi khawihnah khai, Khanpughi naw ani cu ayan ka ah mäih ah kyak ba sak khai.

THU PHLAAN 22:4

Ngami naw Bawipa ah hmai cu hmuk khai gui, ani ah ming cu ami m’calai ung guk pe gui khai.

JEREMIAH 31:2

Sih nak ungka phyawng lawk ciah cun ah chang gui am bang gui am bang hmu ah kei naw Chimgein nak ka m’dang gui ci. Israel chang gui ami ng’düm hlü yah ung,

ATÜNNAK 32:30

Jakob naw, “Kei naw Khanpughi cu hmai ng’chum sei ka hmuk ci, tuh güt ka ghing ci” ci neta, cun ah hmun cu Peniela ah a ming sui ci.

SAM 41:11

Ngami kei ah khan ah kä näng khai gui nei, Nang naw na na yei nak cu kei naw ka hmat khai nei.

2 SAMUEL 14:32

Absalom naw, “A i ah kyasei ci ung chang ka tüih law yah ung kä na law ah phäh ah kyak ci. Nang cu ghangpughang ah na hteh vai, kei ah ng’shi nak na m’thein vai ka ng’ya hlük ci, “A i ah kyasei kei naw Geshur hteh ta ne, shia ah ka law ang? Kei ah phäh ah cau ah ka om cu bä pi khai nei.” Absalom naw pyen ba ne, “Ghangpughang ka hmuh vai ah na na ci tu pek vai ah ka ng’ya hlük ci nei, kei ka hma nak a om ah akiak ung, ani naw kei cu na ngawn sä” cik ci.

2 SAMUEL 14:28

Absalom cu Jerusalem ung ghangpughang kä hmuh ah khaw kum goi ung om ci.

2 SAMUEL 14:24

Ghangpughang naw thu k’bäi ne, Absalom cu mang im ung kä a om tu vai ah pyen ci. Ghangpughang naw, “Ani kä ka hmu hlük ci” cik ci. Cun ah kyasei Absalom cu amät ah im ung om ne, ghangpughang ah ma ah kä ng’dang phung ci.

2 SAMUEL 3:13

David naw, “Bä khai, kei naw nang awn mawng ät awn ngünkyük nak ak bik khai: nang naw kei ah na law ah a kyak ung Saul ah hta hnumi Michala cu na law püi vai.”

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

RUT 2:10

Ruth naw ani ah ma ah m’dek ung a hmai gawk khai ah m’khukdong neta, Boaz am, “A i ah kyasei kei na na geing nak aih ang, A i ah kyasei a khaw hei chang cu nam gein aih ang?” cine ng’shik ci.

ATÜNNAK 50:4

Ami thüi kyah nak ng’düm khäta, Joseph naw mang im chang gui am, “Nami bä ni, shin ah ng’thu cu ghangpughang am va m’thein vä.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

ATÜNNAK 19:19

Kei na na m’hni la ka hnun na na k’phyawn cu na bä aih ci nei. Cun ung phi khomhtung cu shou aih ci nei, cau ah kä gawk pha ne ka sik khai nei.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

ATÜNNAK 43:3

Judah naw ani am, “Cun ah chang naw akghat ah nak bäi gui ne, nami nau kä nami law püi ung ka ma ah kä nami law en ba vai” ci pyi ci.

ATÜNNAK 33:9

Esau naw, “Ka nau aw, kei ung a päng om ei ci nei, na kaa cu na mät naw kaa ei na ä” cik ci.

ATÜNNAK 33:11

Na bä ni, nang ah hmawk ah ka law püi ah shin gui cu na dou peä, Khanpughi naw a päng küm khai ah kei cu na m’gein ci nei” ci neta Esau naw kä a dou pha a chuih Jakob naw pek ci.