ATÜNNAK 32:5 - Cho Bible Common Language 2016

⁵ Kei naw seipat gui, ng’se laa gui, htawme gui, me gui la changshäm akda cu ka law püi ci nei. Saya aw, na na m’gein khai ah ngaih u ne, chang m’cäi ne ka tüi lawk ci nei” cine ng’cük lawk ci.

ATÜNNAK 32:5 Referans Kwoze

ATÜNNAK 33:8

Esau naw, “Shin ung ka hmuh vai ah na law püi gui shi a i vai ang? A i ah na ci hlü ang?” cine ng’shik ci. Jakob naw nang naw na yei nak vai ah ka bi nei” cik ci.

ATÜNNAK 33:15

Esau naw, “Ka chang amshah ka ning nawng pe shüt khai nei” cik ci. Jakob naw, “Na mät ah yum ah kya sä” cik ci.

JOB 6:22

Kei am m’cümhnah nami na pek vai, käcung kei ah hnün ung tumat mat am ng’mü khawh pek vai, Käcung ga gui ungka, käcung m’gäi m’cik ciah kut ungka na na hun vai ah ka thäh man ne ang?

2 SAMUEL 16:4

Ghangpughang naw Ziba am, “Mephibosheth ah ka phung phung cu nang ah ka ah kyak ci nei” cik ci. Ziba naw, “Kei cu nang ah changshäm nei, kei naw nang bawi mang cu angtäi sei ka ning yei nak khai nei” cik ci.

1 SAMUEL 1:18

Ani naw, “Nang naw ak phlüt ah kei cu na m’gein ä” cik ci. Cun kawn ah ani cu a hei ah hteit ne buh ei ci, kä thüi ba ci.

RUT 2:2

Hnü ät ung Ruth naw Naomi am, “Lo ah na hteh sak ä, geit khäm ci gui naw ami hma ah htang vui gui cu ka khä khai nei. Kei awn ng’gui Ne na bi püi khai ah chang cu akcang ah ka hmuk khai nei” cik ci. Naomi naw, “Ka hta hnumi aw hteit ba ä” cik ci.

ATÜNNAK 47:25

Chang gui naw, “Bawi aw, kami hnun gui na na hun gui ci, na bä ci nei, kami van ghangpughang ah changshäm ah kami kyak khai nei” cik ci gui.

ATÜNNAK 33:11

Na bä ni, nang ah hmawk ah ka law püi ah shin gui cu na dou peä, Khanpughi naw a päng küm khai ah kei cu na m’gein ci nei” ci neta Esau naw kä a dou pha a chuih Jakob naw pek ci.

ATÜNNAK 31:16

Khanpughi naw kani pa ungka a lak ah khawh avan cu, keini la kani hta gui naw kami mang vai ah kyak ci nei. Khanpughi naw a ning m’cäi ah mäih ah na bi vai cu na bi vai nei” cik ci goi.

ATÜNNAK 30:43

Jakob cu ang htei ah ng’büh mang lawk ci. Ani ung htawme gui, kalauk gui, ng’se laa gui la changshäm gui akda om ci.

LUKA 12:45

Cun ung phi cun changshäm khawngmang cicu ka bawipa kä law ba yäk khai cine ngai ne, abü bü ei-aw ne ak changshäm hnumi pami gui, m’ghuih teeuh gui ne a kyak ung,

ATÜNNAK 31:3

Cun kawn ah Bawipa naw ani am, “Na pupa na khui khaw ah na hteh ba vai nei, kei naw ka ning om püi khai nei” cine pyen nak ci.