ATÜNNAK 32:4 - Cho Bible Common Language 2016

⁴ Ani naw a tüih gui ah chang gui am cäi gui cu, “Ka bawi Esau am nami m’thein vai nei. Kei, Jakob na thu ngai ciah na changshäm cu, tuhbäi ka law ba vai güt ung, Laban ah ka om tuk ci nei.

ATÜNNAK 32:4 Referans Kwoze

1 PETER 3:6

Sarah cu Abraham ah ng’thu ngai ne, a cei cu, “Ka bawi yoi,” ci ne khü ci. Nangmi cu kyihkyawk nak kä om sei, ak ni ah nami om ah a kyak ung, ani ah hta gui ah nami kyak khai.

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

THUSHÄUTU 10:4

Ning uk ciah chang, na khan ah a m’lungshe law ah a kyak ung na bi kä na nawng en vai; nang cu a düm ah na om ah akyak ung, cheishoh nak aktung phi ning m’gein khai nei.

NG'THU K'THUUK~ 15:1

Ng’awigi ciah ng’thu naw m’lung dim sak ci, thu ashe naw m’lung so sak ci.

NG'THU K'THUUK~ 6:3

Cun ung, ka hta, nang cu cun ah chang ah huham ung na lut ciah kyak ci. A cun ungka ng’pät nak ba vai cu, ang ghit ah hteit ne a ning chah ba vai ah na ng’paa nak vai.

1 GHANGPUGHANG GUI 20:32

Cun ah kyasei ngami naw suishe awn ami khei pat ne, suinu awn ami hngü pat ne, Ahab ah hteit ne ami pyen cu, “Nang ah changshäm Benhadad naw a hnungui nak phyawn vai ah ning paa nak ci nei” cik ci gui. Ahab naw, “Ani ghing lä ne ma? Ani cu ka phäi nau ah kyak ci nei!” cik ci.

1 SAMUEL 26:17

Saul naw David ah k’aw cu hmat neta, “David, cän cu nang ma ka hta?” cine ng’shih ci. David naw, “Ä, ka bawi ang,” cik ci.

PHYAWN NAK 32:22

Aaron naw, “Kei ah khan ah kä na m’lungshe en vai nei. Shin ah chang gui naw a i hlawk ah akshe ami bi hlü cu nang naw na hmat ci nei.

ATÜNNAK 33:8

Esau naw, “Shin ung ka hmuh vai ah na law püi gui shi a i vai ang? A i ah na ci hlü ang?” cine ng’shik ci. Jakob naw nang naw na yei nak vai ah ka bi nei” cik ci.

ATÜNNAK 32:18

“Shin gui cu changshäm Jakob ah kaa gui nei, a bawi Esau am a pek vai ah kami law püi nei. Jakob a mät phi hnu ah lawk ci nei” cine nami pyen vai cine m’cäi gui ci.

ATÜNNAK 32:5

Kei naw seipat gui, ng’se laa gui, htawme gui, me gui la changshäm akda cu ka law püi ci nei. Saya aw, na na m’gein khai ah ngaih u ne, chang m’cäi ne ka tüi lawk ci nei” cine ng’cük lawk ci.

ATÜNNAK 27:37

Isaak naw, “Ani cu nang ah bawi ah ka pyan pyi, mi ng’khaw chang gui avan ani ah changshäm ah ka k’bäi pyi, htang m’guh la sapyit avan ka ap pyi, tuhbäi nang ah phäh ah a i phi kä ka bi ba thei ci nei, ka hta aw” cine pyen nak ci.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

ATÜNNAK 23:6

“Saya aw ngai ä, nang cu angvai hta ah kami ning ngai ci nei; keimi ung om ciah ng’cim hmun akni pi ung nak chu cu m’cim ä. Ng’cim hmun kami ning pek ah phäh ah keimi kami van kami yei khai nei” cik ci gui.

ATÜNNAK 4:7

Ng’düng ciah bii na bi vaisü ung na hmai kiang khai süte; cung phi akshe na bik ci kyasei, katnak cu na m’kawt ung ng’boop ci nei. A cun naw ning uk vai ci nei, cun ung phi nang naw na m’khüt vai nei” cik ci.

ATÜNNAK 31:41

Kei cu nang ah khaw kum m’ku ka om ci. Na hta hnumi goi ah phäh ah kum gha lei phli, htawme gui shäm ne kum chuk bii ka bik ci. Cun ung phi nang naw ka ng’cheng cu gha vei na na m’thawng pek ci.

NG'THU K'THUUK~ 25:15

M’lung neim skak ne ng’ge ng’pai nak naw akhüighat pikbäih acu khep hning ci, uktu gui phi lu hnga päng sak ci.

ATÜNNAK 25:30

Kei ei ka cawi ci nei, sen ciah antui cä na m’bei ä” cik ci. (Cun ah kyasei ani cu Edom ah ami sui.)

ATÜNNAK 33:14

Nang cu ana ma ei ba ä, kyäp kyäp ah kami lawk khai nei. Na om nak Edom khaw ah gawk law püi gui ne a hmaw gui la seime gui cu ka law püi gui khai nei” cine pyen ci.

ATÜNNAK 36:8

Cun ah kyasei Esau cu Edom khawgui ah hteit ne om ci.

ATÜNNAK 36:9

Shin cu Esau ah htangshon Edom pakhui ah mawng ah kyak ci.

SUKI GUI 5:4

Bawipa, nang naw Seira khawmhtung na hteh tak sang ung, Edom khaw ungka nang na law yah ung, Khomdek thüng ne, Khawmik ungka khaw aa lawk ci nei. Ä, Khawmei ungka, tui phi kya lawk ci nei.

ISAIAH 21:11

Shin cu Edom ah mawng thumkhäh ah kya ci. Edom ung ka tumat mat naw na khü ci, “Ngäng ci aw, khawmü cu a i hawkehaa ng’pyi khai aw? A i chawk cha a ng’pyi vai cu kei am vam thin ä.”