ATÜNNAK 32:31 - Cho Bible Common Language 2016

³¹ Ani cu khawhni pyü law khäta Peniela ungka tho law ne hteit ci. Ani cu a phei k’tui m’neh ne ng’dääk ci.

ATÜNNAK 32:31 Referans Kwoze

2 KORIN 12:7

Kei naw ka hmuh ah cäicat vai mawng ung kei cu kä ami nam hlüngtai en vai ah, kei cu ka pumsa awn geinvai nak ka aut ci nei. Cun ah geinvai nak naw, Satan ah ng’shä tüih ah mäih ah, kei cu na hnem ne, kam ghä m’ce nak cu na k’cheih pek ci nei.

2 KORIN 12:9

Cun ung phi ani ah nam shan nak cu, “Nang nak tha a ken yah ung kei ah hlüngtai nak cu, ak kuikyang pi ah kyak ci, cun ah kyasei kei ah m’gein nak bäng cu nang ung hlü ciah kyak ci” ciah kyak ci. Cun ah kyasei kei cu Bawi Khrit ah hlüngtai nak ung ka ng’yii nak vai ah, kak tha a ken ah hmawk ah, yeikyai aih ne ka khäghah ci nei.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

SAM 38:17

Kei cu ka ng’lat ghep ghep ci kya neta, m’neh m’awh nak ka gah ci nei.

SUKI GUI 8:8

Kideon cu Penuela ah phi hteit ne a cu ah om ciah chang gui am, acun ah mäih ah pyen nah gui ci, cun ung phi Penuela ung chang gui naw phi Sukkoth chang gui ah pyen ah mäih ah pyen ci gui.

ATÜNNAK 32:25

Ani naw Jakob kä a m’khüt law cu hmu neta, a phei k’tui ung leh sei, a khaw zuung sei m’neh ci.

ATÜNNAK 19:23

Lotah cu Zoar ah khawhni pyü law sei gawk ci.

ATÜNNAK 19:15

Khaw ngawi ah khanchang goi naw Lotah cu k’tawng ni ne, “Nak chu la na hta hnumi goi cu ang ghit ah dawng püi goi ä, kä cun ung gawnu ah di nak ung nangmi phi nami di tuk khai nei” cik ci goi.

ATÜNNAK 32:32

A cuta güt Israel chang gui naw a phei k’tui sa cu kä ei ci gui, a i ah kyasei ci ung a phei k’tui sa ung a leh ah hmawk ah kyak ci.

1 GHANGPUGHANG GUI 12:25

Israel Ghangpughang Jeroboam naw Ephraim kho gui ah Shekhem gawnu cu ng’vongpaang ne, a cu ah a shäng om ci. Cun kawn ah acun cu hteh ta ne Penuela gawnu cu vongpaang ci.

1 GHANGPUGHANG GUI 18:26

Ngami naw ami thak law gui ah vantang cu la ne, pyang u neta, khaw hnüüp law güt sei Baala ah taigü ci gui. Ngami m’lau u ne, “Baala aw, na m’shang gui ä!” ci u ne, ami cawh ah sonkiang cu veing ne ng’lam ci gui. Cun ung phi a i ah m’shan nak phi kä gawk lawk ci.

ATÜNNAK 16:13

Hakarah cu amät ng’htau ne, “Kei na hmuk ciah Bawipa cu shin ung akcang ah ka hmuk ci nei” ci neta, ani ng’thu püi ciah Khanpughi cu ‘Elroi’ ah a ming sui ci.

PHYAWN NAK 24:10

Israel Khanpughi cu hmuk ci gui. A khaw ka ah m’kim lung phah ah mäih, la khankho m’kim ah mäih ah kyak ci.

PHYAWN NAK 24:11

Khanpughi naw Israel chang pa gui cu kä hnim gui ci, ngami naw Khanpughi hmuk ci gui, cun kawn ah a täng ah ei awk ci gui.

THULÄÄN NAK 5:24

ami pyen cu, “Bawipa mi Khanpughi naw a dämduh nak la a bäimang nak cu na m’dang gui ne mei ungka naw ng’thu sei kami ng’yak ci. Tuhngawi keimi naw, chang tumat cu Khanpughi naw ng’thu püi pang sei phi k’täi ne a ghin nak hning vai om ci, cicu kami hmu pyi ci.

THULÄÄN NAK 5:26

Ghing ciah Khanpughi, mei ungka naw thu pyen sei ng’ya pyi ciah chang cu ghing ba lä man ne ang?

SUKI GUI 6:22

Ani naw a hmuh cu Bawipa ah khanchang ah kyak ciah Kideon naw hmat neta, kyikyawk ne a pyen cu, “Bämang ciah Bawipa, kei naw na khanchang cu hmai chum ne ka hmuk ci nei!”

SUKI GUI 6:23

Cun ung phi Bawipa naw ani am, “Dimdeeih sä, kä na kyih vai nei. Nang kä na sik khai nei” pyen nak ci.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”