ATÜNNAK 32:30 - Cho Bible Common Language 2016

³⁰ Jakob naw, “Kei naw Khanpughi cu hmai ng’chum sei ka hmuk ci, tuh güt ka ghing ci” ci neta, cun ah hmun cu Peniela ah a ming sui ci.

ATÜNNAK 32:30 Referans Kwoze

KHEI NAK 12:8

Cun ah kyasei ani cu hmai chum ne ka ng’thu püi ci, ng’htei khai ah kä yivon ne, ani naw ka müi phi na hmuk ci. Ka changshäm Moses cu a i ah nami m’thüikham nak ci ang?

ATÜNNAK 16:13

Hakarah cu amät ng’htau ne, “Kei na hmuk ciah Bawipa cu shin ung akcang ah ka hmuk ci nei” ci neta, ani ng’thu püi ciah Khanpughi cu ‘Elroi’ ah a ming sui ci.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

THULÄÄN NAK 5:24

ami pyen cu, “Bawipa mi Khanpughi naw a dämduh nak la a bäimang nak cu na m’dang gui ne mei ungka naw ng’thu sei kami ng’yak ci. Tuhngawi keimi naw, chang tumat cu Khanpughi naw ng’thu püi pang sei phi k’täi ne a ghin nak hning vai om ci, cicu kami hmu pyi ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

HEBRU 11:27

Moses naw ghangpughang ah m’lungshe nak cu kä kyih ne, Egypt kho ungka ang düih law ba cu, a yum nak awn ah kyak ci. Ani naw mik awn kä hmuh ah Khanpughi cu hmuk ciah mäih ah hnu ah ng’hlah ba vai cu maa khenggeng ci.

2 TIMOTHI 1:10

Cun ung phi tuhchü, mi Hunbawi Khrit Jesuh a kyum law kawn ah, cun ah m’gein nak cu, mikmi ung dang lawk ci. Bawipa naw sih nak ah hlüngtai nak cu m’shiu netah, Thu Ni awn käng khuk hlat ciah ang täi ghin nak cu dang sak ci nei.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

PHYAWN NAK 33:14

Bawipa naw, “Kei cu nangmi awn a täng ah ka hteit khai, nang am näng nak ka ning pek khai” cik ci.

KOLOSE 1:15

Bawi Khrit cu kä hmuh thei ah Khanpughi ah, hmuh thei vai ah a müi ah kyak ci. Ani cu atüisho avan ah hlüngtai pi ciah, ng’tüi htük ciah Htapa ah kyak ci.

KALATIAN 1:6

Bawi Khrit ah m’gein nak awn nang mi ning khü gui ciah Khanpughi cu, ang ghit ah nawng u ne, ng’Thu Ni a hei nami dou ah hmawk ah ka ning cäi nah gui ci nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

1 GHANGPUGHANG GUI 12:25

Israel Ghangpughang Jeroboam naw Ephraim kho gui ah Shekhem gawnu cu ng’vongpaang ne, a cu ah a shäng om ci. Cun kawn ah acun cu hteh ta ne Penuela gawnu cu vongpaang ci.

SUKI GUI 8:17

Ani naw Penuela ung tänghän cun phi phyen neta, cun ah mang gaw ung chang gui ngawn gui ci.

SUKI GUI 8:8

Kideon cu Penuela ah phi hteit ne a cu ah om ciah chang gui am, acun ah mäih ah pyen nah gui ci, cun ung phi Penuela ung chang gui naw phi Sukkoth chang gui ah pyen ah mäih ah pyen ci gui.

THULÄÄN NAK 34:10

Israel khaw ung Moses ah mäih ah prophet cu kä om phung man ci. Bawipa naw ani cu hmai chum ne ng’thu püi ci.

ATÜNNAK 28:19

Cun ah hmun cu Bethela ah a ming sui ci (cun ah gawnu ah aming phyim cu Luz ah kyak ci.)

1 KORIN 13:12

Tuhbäi mikmi ah hmuh nak cu müi m’dang ci ung müi teng ah mäih ah kyak ci; cun kawn ah mik hmai ng’chum sei mi ng’hmu lawk khai. Tuhbäi kei ah hmuhmat nak cu kä kümbe ci, cun kawn ah, Khanpughi naw kei cu kümbe sei a na hmuhmat ah mäih ah, kei naw kümbe sei ka hmuhhmat lawk khai.

JOSHUA 5:13

Joshua cu Jerikho pei ah a om yah ung Khimsem kawt ne amät täng ah ng’düi ciah chang cu ang ghit ah hmuk ci. Joshua naw ama ah hteit neta ang shi cu, “Nang cu kei ah gakap ang, keimi ah ga ang?”

ATÜNNAK 35:9

Jakob cu Mesopotamia ah kaa a law ba lam ah Khanpughi cu ng’dang law ba ne hriham pek ci.

SUKI GUI 13:17

Monoah naw m’hlan ba ne, “Na ming na m’thein gui ä, cun ung na ng’thu a bä hnüüp ung keimi naw kami ning m’tam khai nei” cik ci.

SUKI GUI 13:18

Khanchang naw, “A i ah kyasei, kei ah ming na hmat hlü ang? Cun cu cäicat vai ah ming ah kyak ci nei” cik ci.

ISAIAH 9:5

Tu law gui ciah gakap gui ah phahnak gui la si kawp ciah suisak gui avan cu mei awn m’khih vai.