ATÜNNAK 32:3 - Cho Bible Common Language 2016

³ Jakob naw a phäi Esau ah om nak Edom khaw ah ng’shä tüi ma ci.

ATÜNNAK 32:3 Referans Kwoze

JOSHUA 24:4

Isaak ungka naw Jakob la Esau ka pek ci. Kei naw Esau am a kaa nak vai ah Edom khawgui ka pek ci. Cun ung phi nangmi ah pupa Jakob la a hta nau gui cu Egypt khaw ah hteit ci gui.

ATÜNNAK 25:30

Kei ei ka cawi ci nei, sen ciah antui cä na m’bei ä” cik ci. (Cun ah kyasei ani cu Edom ah ami sui.)

THULÄÄN NAK 2:5

Cun ung phi ngami ma ne kä nami ng’tuk püi gui en vai. A i ah kyasei ci ung ngami ah khaw ng’leh ät hta phi kei naw nangmi am kä ka ning pe gui khai. Kei naw Edom cu Esua ah htangshon gui am ka pe pyi ci.

ATÜNNAK 33:14

Nang cu ana ma ei ba ä, kyäp kyäp ah kami lawk khai nei. Na om nak Edom khaw ah gawk law püi gui ne a hmaw gui la seime gui cu ka law püi gui khai nei” cine pyen ci.

ATÜNNAK 14:6

Edom khaw gui ungka Horit chang gui cu, bung pukpei ah om ciah Elaparan ung khüt sei tu gui ci gui.

LUKA 9:52

Cun ah kyasei ak chang gui cu, a i baw ana bi lawk khai gui ah Samaria pigaw tumat ah hei k’hma gui ci.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

THULÄÄN NAK 2:22

Edom khaw-gui ung om ci gui ah Esau ah htangshon Edomit chang gui ah khan ah phi Bawipa naw acun ah mäih ah bik ci. Ani naw Horit chang gui cu m’di gui ci. Cun ah kyasei Edomit chang gui naw ami khaw lak pe gui u ne om nak ci gui, tuh güt acun ung om ci gui.

ATÜNNAK 33:16

Esau cu a cu hnüüp Edom khaw ah gawk ba khai ah ng’hlat ne hteit ba ci.

ATÜNNAK 32:7

Jakob cu ang htei ah cäi ne ng’ä ci. A chang gui, a sei a me gui, la kalauk gui avan cu hnih ah k’pai ci.

ATÜNNAK 32:11

Ka taigü ci nei, ka phäi Esau ah kut ung nak phyawn ä, kei cu ka kyik ci nei, ka phäi Esau cu kei la ka chu ka hta gui, avan na m’di gui khai ah law pyi ci nei.

KHEI NAK 24:18

Ani naw Edom ung aga gui cu näng gui khai nei. A mi khaw cu a khawh ah pyang khai nei. Cun cu Israel gui naw k’tä ne näng khai gui nei.

THULÄÄN NAK 1:2

Sinai M’htung ungka naw Kadesh Barnea ung gawk vai ah Edom kho gui täng ah hteh ung hnüüp gha lei ät lüng ci.

ISAIAH 21:11

Shin cu Edom ah mawng thumkhäh ah kya ci. Edom ung ka tumat mat naw na khü ci, “Ngäng ci aw, khawmü cu a i hawkehaa ng’pyi khai aw? A i chawk cha a ng’pyi vai cu kei am vam thin ä.”

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

JOSHUA 13:30

Ngami ah khopäng ah ang shawng cu Mahaniam la Bashan khaw avan, Bashan ghangpughang Ok ah uknak khaw avan, la Bashan khaw Jair pigaw chuk ah kyak ci.

2 SAMUEL 2:8

Saul ah gabawi, Ner ah hta Abner cu Saul ah hta Ishbosheth awn Jordan tuinu kat ne Mahanaim ah dawng ci goi.

2 GHANGPUGHANG GUI 6:17

Cun kawn ah ani cu taigü ne, “Bawipa, ani ah mik cu, m’dei sak ne, hmuh sak ä!” cik ci. Ani ah taigü cu Bawipa naw ngaih pe sei, Elisha ah changshäm naw teng neta, khogui yung cu ng’se gui la yatha gui ah mei naw küm sei Elisha cu avan naw koi ci gui.

1 SHONTÄP NAK 12:23

David Hebron ung a om yah ung, ng’thei pyi ciah gakap akda ani ung ng’dawn law u ne, Bawipa ah a shaitak ah mäih ah Saul ah hnün ung ani cu ghangpughang ah tha vai ah bawm tuk ci gui. Cun gui cu khei ung shin chü ah kyak ci: Judah: Shawi la htei gui kawt ne ng’tuk nak vai akbe om ciah chang 6,800; Simeon: akni ah m’thei pyi ah chang 7,100; Levi: Chang 4, 600; Aaron ah htangshon, Jehoiada läk ciah chang 3, 700; Zadok, ng’tuk hning ciah chang nong, ani ah mätyah gui: matawn ciah chang 22; Benjamin (Saulu amät ah pakhui): 3, 000 (Benjamin chang gui akda pi cu Saul ung bekhüt lä ci gui.); Epraim: Chang 20, 800 ngami cu ami mät ah pahta ung mingthang ci gui; Akheitäng Manasseh: David cu ghangpughang ah tha khai ah ami ghügui chang 18, 000; Issakha: angvaihta 200, ngami awn a täng ah ami thumkhän ka ah om ciah chang gui. (Shin ah angvaihta gui naw Israel gui ah ami bi vai la ami bi nak vai ah a khin om pi cu hmat ci gui); Zebulun: bekhüt ne ngaih gep vai kyak ci, ng’tuk ge vai ah kyak ciah chang 50, 000 Li htei awan ami m’thei gui ah kyak ci; Naphtali: angvaihta gui 1, 000 shani la htei kawtciah gakap 37, 000 awn a täng ah om ci gui; Dan: ami m’thei gui pui chang 28, 600; Asher: ng’tuk ge vai ah om ciah chang 40, 000 Jodan akiangtäng ung om ciah pakhui gui. Reuben Kad, la Manasseh akiang ung om ciah chang gui: Chang 120, 000 cu likhim avan ami m’thei gui ah kyak ci.

SOLOMON NG’Ä~ 7:1

A i hlawk ah yeinak vai ah na kyak ciah hnumi hta ang, nang cu! Phahnak cun ciah na khaw cu a i hlawk ah kyom ci ang? Nang ah na phei khaw cu pung sawi thei ciah sawi awn täng ci nei.