ATÜNNAK 32:28 - Cho Bible Common Language 2016

²⁸ Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

ATÜNNAK 32:28 Referans Kwoze

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

ATÜNNAK 35:10

Khanpughi naw, “Na ming cu Jakob ah kyak ci, cun ung phi tuhbäi ung tün ne, Israel na ming nak khai” cine Khanpughi naw Israel ah a ming sui ci.

ATÜNNAK 17:5

Na ming cu Abram ah kä kya ba ci, Abraham ah kyak ci, a i ah kyasei ci ung nang cu chang pakhui akda ah pa ah ka ning pyang pyi ci nei.

ATÜNNAK 17:15

Khanpughi naw Abraham am, “Na chu cu Sarai ah kä na khü ba vai, tuhbäi ung tün ne aming cu Sarah ah kyak ci.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

ATÜNNAK 33:4

Esau cu dawng law neta Jakob cu kyawp ne ng’ui sei ani nik hnih kyap ci goi.

JOHAN 1:42

Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

ATÜNNAK 25:31

Jakob naw, “Hta htük ah kyak nak na na pek vai ung, shin ah ei cu ka ning pek khai nei” cik ci.

2 GHANGPUGHANG GUI 17:34

Ngami naw cau ami thungyo cu tuhngawi güt law püi ci gui. Ngami naw Bawipa cu kä khawihnah ci gui, Jakob, Israel ah angming a sui ah htangshon am a pek ah thukhän gui la thumkhän gui phi kä läk ci gui.

2 SAMUEL 12:25

ani naw prophet Nathan cu Thumkhän ne ak hmaw cu Jedidiah ah a ming sui sak ci, a i ah kyasei ci ung Bawipa naw ani cu m’hni ci.

1 SAMUEL 26:25

Saul naw David am, “Khanpughi naw hriham ning pe sä, ka hta! Na bi nak päng ung na näng khai nei!” cik ci. Cun ah kyasei David cu amät ah lam ung hteit sei, Saul cu a im ah hteit ba ci.

ATÜNNAK 32:24

Jakob cu amät om shüt ci. Chang tumat law ne ani cu thaai ne ng’pyei püi ci.

ATÜNNAK 31:24

A cun ah mü ung Khanpughi cu Laban ah ih mang ung law neta, “Na geing nak vai nei, Jakob cu a i ah kä na ci en vai nei” cine pyen nak ci.

KHEI NAK 13:16

Shin gui cu cun khaw ung ng’däät khai gui ah Moses naw a tüih gui ah sübük gui ah kyak ci. Ani naw Nun ah hta Hoshea ah ming cu Joshua ah sui ba ci.

1 GHANGPUGHANG GUI 18:31

Ani naw lung gha lei goi cu lak ci, Jakob ah hta gui pakhui gha lei goi ah phäh ah tumat ciah kyak ci, Jakob cu Bawipa naw Israel ah aming a sui ah kyak ci.

ATÜNNAK 33:20

Ani naw a cun ung khawih kiang co neta, “El, Israel Khanpughi” ciah a ming sui ci.

ATÜNNAK 32:27

Cun ah chang naw na ming a u ang?” cine ng’shik ci. Jakob naw, “Kei Jakob nei” cine m’shang ci.

1 SHONTÄP NAK 1:34

Abraham ah hta Isaak ung a hta hnih om ci, Esau la Jakob ah kyak ci.

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.