ATÜNNAK 32:26 - Cho Bible Common Language 2016

²⁶ Cun ah chang naw, “Khaw thai lawk ci, na chah ä, ka hteit ba khai” cik ci. Jakob naw, “Hriham kä na na pek pha ung kä ka ning chah khai nei” cik ci.

ATÜNNAK 32:26 Referans Kwoze

HOSEA 12:4

Ani naw khankho chang cu ng’tuk püi ne näng ci. Ani naw kyap ne hriham k’thäh ci. Bethela ung Khanpughi naw kami pupa Jakob ah law neta ng’thu püi ci.

SAM 67:1

Khanpughi, na chimgein gui ne, hriham na pe gui ä; na k’dük nak awn na teng gui ä,

1 SHONTÄP NAK 4:10

Cun ung phi Jabez cu Israel Khanpughi ah taigü ci, Khanpughi aw, hriham na peä, khaw akda na peä. Kei cu a täng ah na om püi ne, na natsak khai ah akshe phung ungka na shung vong ä. Ani ah ak taigü cu Khanpughi naw ngaih pek ci.

SOLOMON NG’Ä~ 3:4

Ngami ka hteh tak gui vai am ani cu ka hmuk ci. Kei naw ani cu pang ne kä ka hteh ba sak ci ka nu ah im ka ng’tüi nak ah akhan kyong güt ah ka hteh püi ci.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

PHYAWN NAK 32:10

Tuhbäi, ka omdüt vai ah kä na tha en nak vai, kei ka m’lungshe pyi ci nei. Kei naw ka m’di gui khai nei. Cun kawn ah nang la na hta ng’shon gui cu pakhui küi ah ka ning pyang gui khai nei” cik ci.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

ISAIAH 45:11

Bawipa, theingcim ciah Israel khanpughi, malam ah mawngma pyang tham ci naw, a pyen cu; “Ka hta nau gui ah mawng, nami na shi thäh nak hning vai nangmi ung kä om ci, kei naw a i ka bi vai ah, nami na m’thein nak hning vai phi nang mi ung kä om ci!

SOLOMON NG’Ä~ 7:5

Nang ah na lu cu Karmela m’htung ah mäih ah täu ne om ci. Na lusam sak cu sampai akni ah mäih ah khang ci; a cun ah kyom nak naw ghangpughang phi k’pang hning ci nei.

THULÄÄN NAK 9:14

Kei kä na na düm sak en vä, kei naw ngami m’di gui vai ah ka pawng ci. Cun ah kyasei ngami cu a u naw kä shüm ba gui khai. Kei naw nang cu däm pi ciah pakhui ah pa, huham mah pi ciah ka ning pyang khai.

ATÜNNAK 32:25

Ani naw Jakob kä a m’khüt law cu hmu neta, a phei k’tui ung leh sei, a khaw zuung sei m’neh ci.

ATÜNNAK 32:27

Cun ah chang naw na ming a u ang?” cine ng’shik ci. Jakob naw, “Kei Jakob nei” cine m’shang ci.