ATÜNNAK 32:24 - Cho Bible Common Language 2016

²⁴ Jakob cu amät om shüt ci. Chang tumat law ne ani cu thaai ne ng’pyei püi ci.

ATÜNNAK 32:24 Referans Kwoze

EPHESIAN 6:12

Mikmi cu hnicim cang awn ng’tuk mi bik ciah kä kyak ci, khankho ah om ciah mümcha she gui la shin ah kho hmüp nak kho ung, uk ci gui, huham mah gui, la hlüngtai nak om ci gui awn ng’küükneet ne ng’tuk mi bik ciah kyak ci.

LUKA 13:24

“Nangmi cu ng’hteik ciah m’kawt ung nami luh vai ah k’tha na vä. Chang akda naw cun ah m’kawt ung luh vai ah k’tha nak ci gui. Cun ung phi ami luh nak hlawt vai ah k’thagui kä om ci.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

ATÜNNAK 32:30

Jakob naw, “Kei naw Khanpughi cu hmai ng’chum sei ka hmuk ci, tuh güt ka ghing ci” ci neta, cun ah hmun cu Peniela ah a ming sui ci.

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

ATÜNNAK 30:8

Rachelah naw, “Kei cu ka pai awn hnungtuk ni ne, kei ka näng ci” ci nak ah a ming cu Naphtali ah sui ci.

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

SOLOMON NG’Ä~ 2:17

cun cu kho ngawi hta khaw a pyü güt, khaw hmüp ang kawn güt ah kyak ci. Kei ah m’hni aw, kigang nu ah mäih ah ng’hlat law ba ä, Bether khomhtung ung kigang nong ah mäih ah law ba ä.

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

KOLOSE 2:1

Nangmi ah hmawk, Laodica chang gui ah hmawk la kei ka changsing kä na hmat ciah chang gui ah hmawk ah, kei naw a i hlawk ah k’tha na ne kabi cu ka ning m’thein gui ci nei.

ROMAN 15:30

Phäi nau gui aw, Bawipa Jesuh Khrit mi yum nak la, Mumcha Theing ah na peit gui ah yumhni nak awn; kei ah hmawk ah kei awn atäng ah Khanpughi ah nami taigü tu vai ah ka ning khü gui ci nei.

ISAIAH 32:2

Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.

PHYAWN NAK 14:27

Cun ah kya khäta Moses naw tuinu ah khan ah a kut hei shäng sei, khaw thaih ung tuinu cu a lon man ah yu long ba ci. Egypt chang gui cu tui ungka ami phyawn vai ah k’tha nak ci gui. Cun ung phi Bawipa naw tui ung shum gui ci.

ATÜNNAK 18:2

Chang sing thum ng’düi sei hmuk ci. Ani cu a hmuh gui vai am va lut ne, a hmai naw m’dek tawn khai ah kawp neta,

ATÜNNAK 32:23

Cun ah chang gui ni, khawh gui ni hei ng’kah püi yawp u neta,

ATÜNNAK 32:25

Ani naw Jakob kä a m’khüt law cu hmu neta, a phei k’tui ung leh sei, a khaw zuung sei m’neh ci.

JOSHUA 5:13

Joshua cu Jerikho pei ah a om yah ung Khimsem kawt ne amät täng ah ng’düi ciah chang cu ang ghit ah hmuk ci. Joshua naw ama ah hteit neta ang shi cu, “Nang cu kei ah gakap ang, keimi ah ga ang?”

DANIEL 10:8

Kei ka mät bäng cun ung na nawng shüt u sei, cäi vai ah muimang cu ka ngäng ci. Ka ng’düi hlawk khai ah thagui kä om ba ci, ka hmai cu ng’ham sei a u naw kä na hmat ba ci.