ATÜNNAK 32:22 - Cho Bible Common Language 2016

²² A cu mü Jakob cu tho law ne, ak chu goi la a chuba gui ni, a hta gha lei ät ni gui cu khah püi gui ne, Jabbok tuinu cu heikat ci gui.

ATÜNNAK 32:22 Referans Kwoze

THULÄÄN NAK 3:16

Cun kawn ah Reuben la Kad pakhui am Kilead ungka naw Arnon tuinu ung khüt ciah khopäng cu ka ap ci. A htum täng ah ami khogii cu Jabbok tuinu ah kyak ci. Ateih cu Ammonit khogii ung vang däih ci.

THULÄÄN NAK 2:37

Cun ung phi Ammonit gui ah khopäng pei ah keimi kä kami hteit ci, Tuinu Jabbok ah kem khaw-gui ung gawnu gui, a hei im hmun ung phi Bawipa kami Khanpughi naw kä kami hteh vai ah ana thumkhän nak gui phung ung kä kami hteit ci.

1 TIMOTHI 5:8

A paw chang, ak tung pi ah ak kyongkhui chang kä m’hteihtang ci cu, yum nak hnu nak ciah kya ne, kä yum ciah mä sheka tuba ci nei.

JOSHUA 12:2

Tumat ci Sihon, Heshbon uktu Amorit ghangpughang ah kyak ci. Ani ah uknak naw Kilead khaw avang k’um ci. Cun cu Arnon khaw nawi akit ah kyak ciah Aroer ung tün ne acun ah khaw nawi ah ng’lung ung mang gaw, Ammon khawgii, Jabbok tuinu ung khüt ci;

ATÜNNAK 35:18

Rachela naw si law vai neta, a hta cu “Benoni” ah aming sui ci, apa naw läi “Benjamin” ah sui ci.

ATÜNNAK 29:21

Jakob naw Laban am, “A khin gawk lawk ci, na hta hnumi cu ka ng’khap püi khai nei” cik ci.

ATÜNNAK 32:21

Cun ah m’cümhnah nak pek khai gui cu tüi gui ma neta, a mät cu a cun ah phung ung ip ci.

ATÜNNAK 32:23

Cun ah chang gui ni, khawh gui ni hei ng’kah püi yawp u neta,

SUKI GUI 11:13

Ammon ghangpughang naw Jephthah ah chang tüih am shan nak cu, “Israel chang gui Egypt khaw ah ka law ba u ne, ngami naw tuinu Arnon ungka naw tuinu Jabbok la tuinu Jordan ung khüt sei kei ah khaw cu lak ci gui nei. Tuhbäi cun cu ak ding gei ah nami na pek ba khai nei,” cik ci.