ATÜNNAK 32:2 - Cho Bible Common Language 2016

² Ani naw cun ah hmu gui neta, “Shin cu Khanpughi ah khaw phung nei” cik ci. Cun ah kyasei cun ah hmun cu Mahanaim ah pyen ci gui.

ATÜNNAK 32:2 Referans Kwoze

2 SAMUEL 2:8

Saul ah gabawi, Ner ah hta Abner cu Saul ah hta Ishbosheth awn Jordan tuinu kat ne Mahanaim ah dawng ci goi.

JOSHUA 21:38

Kad pakhui ah kaa ungka mang gaw phli gah ci gui, Kilead ungka Ramoth lacun ung khuli khaw gui (ng’yiinak mang gaw tumat), Mahanaim,

JOSHUA 5:14

Cun ah chang naw, “Ka nei, Kei cu shin ung Bawipa ah gakap bawi ah ka kyak ci nei” cik ci. Joshua naw m’dek ung bawp ne khawihnah neta, “Bawi aw, kei cu na na changshäm nei, a i ka bi vai ang na ng’yak hlü?” cine ng’shik ci.

LUKA 2:13

Cun vai-am chünla ciah khankho gakap gui cu khankho chang veing ne ng’dang law u netah;

SAM 148:2

A khanchang gui avan, khankho gakap gui avan naw Bawipa cu m’tam vä.

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

1 GHANGPUGHANG GUI 2:8

Benjamin khaw Bahurim gawnu ungka Kera ah hta Shimei phi om ci. Kei Mahanaim ah ka hteh yah ung ani naw akshe ah na plah tam ci, cun ung phi Jordan Tuinu ung kani ng’hmuh sangung, ani kä ka ngawn khai ah Bawipa ah ang ming ung kei naw shaitak ka pek ci.

2 SAMUEL 17:24

David cu Mahanaim pigaw ah gawk ci, cun yah ung Absalom la Israel gui cu Jordan tuinu kat ci gui.

DANIEL 10:20

Ani naw pyen ci, “Kei a i ah kyasei nang ah ka law cu na hmat naw? Düng ciah ca-uk ung ami guk cu nang ung m’than vai ah kyak ci nei. Tuhbäi kei naw hteit ba ne Persian ngäng ciah khanchang cu ka tuk khai nei. Cun kawn ah Kreece ngäng ciah khanchang cu dang lawk khai nei. Michaela, Israel gui ngäng ciah khanchang ah kawn ah kei na m’htei ci a u kä om khai nei.

SOLOMON NG’Ä~ 6:13

Shulam hnumi hta, ng’lamä, ng’lamä, na ng’lam cu keimi am na teng sak gui ä. Chang teng ge ne ng’tän ci gui ah ng’lak ung kei ah ng’lam cu a i ah kyasei nami teng hlü ang?

SAM 103:21

Nangmi khankho huham gui, nami van naw, Ak changshäm ah nami kyak ci, Ang yak hlü nami bik ci naw, Bawipa cu m’taam vä!

2 GHANGPUGHANG GUI 6:17

Cun kawn ah ani cu taigü ne, “Bawipa, ani ah mik cu, m’dei sak ne, hmuh sak ä!” cik ci. Ani ah taigü cu Bawipa naw ngaih pe sei, Elisha ah changshäm naw teng neta, khogui yung cu ng’se gui la yatha gui ah mei naw küm sei Elisha cu avan naw koi ci gui.

1 GHANGPUGHANG GUI 4:14

Iddo ah hta Ahinadab: Mahanaim khawpäng

2 SAMUEL 2:12

Abner la Ishbosheth ah bawi gui cu Mahanaim ungka naw Kibeon mang gaw ah hteit ci gui.

1 SHONTÄP NAK 12:22

A hnüüp tä sei chang thai gui cu David ah gakap ung ng’dawn law u sei, ani ah gakap cu anghtei ah khüighat lawk ci.

SAM 24:10

Ghangpughang mang cu a u ang? Ani cu, hlüngtai ciah Bawipa, Ghangpughang mang nei!