ATÜNNAK 32:12 - Cho Bible Common Language 2016

¹² Nang naw shai na tak nak ung, a päng ung ka näng vai ah na m’htei ne, tuinu kem ah lai gin chü ah chang naw kä khei tai vai ah ka ng’shon khai ah na pyen pyi ci nei” ciah kyak ci.

ATÜNNAK 32:12 Referans Kwoze

HEBRU 6:17

Khanpughi naw amä ah ng’bü nak kä am thawnghlai phung vai ah mawng cu, a shaitaak nak gah ciah chang gui ang hteiing ah m’dang gui hlük ci. Cun ah kyasei ng’phyun ne shai a taak ah kyak ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

2 TIMOTHI 2:13

Mikmi kä mi bekhüt ung phi, Bawipa cu bekhüt ci, a i ah kyasei ci ung Ani cu amät naw amät cu käm shet phung ci.

MATTHE 24:35

Khankho la khomdek a maih ung phi kei ah thu cu kä maih khai nei.

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

1 SAMUEL 15:29

Israel gui ah m’gäi ciah Khanpughi cu kä hleei ci, am lung kä m’thawng ci. Ani cu chang ah kä kyak ci, ani naw am lung kä m’thawng ci nei” cik ci.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

ATÜNNAK 32:6

A chang tüih gui cu Jakob ah law ba u neta, keimi cu na phäi Esau ah kami hteit pyi ci. Ani cu chang phia phli khah püi ne, ana a pawng vü pyi ci nei” cik ci gui.

HEBRU 11:12

Abraham cu ak si ah mäih ah a kyak te ung phi, ani ah hta ng’shon gui cu, Khankho mik ah aisi chü ah mäih, tuinu kem ah käk khei tai vai ah laigin chü ah mäih ah da ci nei.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”