ATÜNNAK 32:11 - Cho Bible Common Language 2016

¹¹ Ka taigü ci nei, ka phäi Esau ah kut ung nak phyawn ä, kei cu ka kyik ci nei, ka phäi Esau cu kei la ka chu ka hta gui, avan na m’di gui khai ah law pyi ci nei.

ATÜNNAK 32:11 Referans Kwoze

NG'THU K'THUUK~ 18:19

Na phai nau na m’hteivai, cun ung ani naw khang ciah mang paang ah maih ah ning shungvong khai. Cun ung phi ng’thu na m’da pui ah a kyak ung ani naw nang ah lam ah m’kawt khai khai.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

HOSEA 10:14

ng’tuk nak cu nami chang gui ah gawk law khai, Nami pigaw khäng gui avan cu di khai gui. Cun ah hnüüp cu ghangpughang shalman naw ng’tuk nak ung betharbel a mang gaw cu m’di ne, hnumi gui la ami hta nau gui güüt ne a ngawn gui ah mäih ah kyak ci.

DANIEL 3:17

Keimi naw kami khawihnah ah Khanpughi naw, mei caang ung la nang ah huhma ung, ana hun gui hning ung na hun gui khai nei.

SAM 142:6

Na na m’htei vai ah ka kyah cu na ngai ä; Kei cu ng’zom ne ka ng’neim ci nei. Ka ga gui ah kut ung na hun ä, ngami cu gai aih ci gui nei.

SAM 119:134

Na shedam nak ci gui ungka na hun ä, cun ung na thumkhän cu kei naw ka läk thei khai.

SAM 43:1

O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

SAM 31:2

Na ngai ä! Tuhbäi na hun ä! Ka ng’yii nak awi na shung ä; ka shung nak awi na hun ä.

SAM 25:20

Na shungvong ä, na hun ä, shedam nak ung na gung ä. Nang ah phyawng ne ka lawk khai nei.

SAM 16:1

O Khanpughi, na ngäng ä, ka phyawn vai ah nang ung ka ng’ap ci nei.

1 SAMUEL 24:15

Bawipa naw m’khoi m’chak khai, a u chang mi hma ciah ani naw m’hnüt bäi khai. Ani naw a mawng cu teng khai, nang ah kut ung kei na shungvong ne, na hun ci,” cik ci.

1 SAMUEL 12:10

Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

ATÜNNAK 27:41

Esau naw Jakob cu thüi nak ci. Apa naw Jakob am hriham a pek ah hmawk ah kyak ci. “Kapa a sih nak vai ng’et lawk ci, cun ung Jakob ka ngawn khai” cine ngaih-tüh ci.

THULÄÄN NAK 22:6

“Nang naw sing ghing ung phi kia, m’dek ung phi kia, kha ng’bu na hmuh ah a kyak ung, anu cu am tui baw bawk khai, a hta yüt hta gui baw bo khai. Cun ung kha anu cu kä nami lak vai.

ATÜNNAK 27:42

Cun ah Esau ah ng’bü cu anu Rebekka naw hmat neta, Jakob cu khü ne, “Ngai ä, na phäi Esau naw nang ning ngawn khai ah pawng ci nei.

ATÜNNAK 32:3

Jakob naw a phäi Esau ah om nak Edom khaw ah ng’shä tüi ma ci.

ATÜNNAK 32:7

Jakob cu ang htei ah cäi ne ng’ä ci. A chang gui, a sei a me gui, la kalauk gui avan cu hnih ah k’pai ci.

ATÜNNAK 33:4

Esau cu dawng law neta Jakob cu kyawp ne ng’ui sei ani nik hnih kyap ci goi.

ATÜNNAK 24:27

“Bawipa cu m’hlüngtai nei, ka bawi Abraham ah Khanpughi naw, ka bawi ung shai ataak cu bekhüt ne k’pang ci nei. Bawipa naw kei cu ka bawi ah khochang gui ah na hteh püi ci nei” cik ci.

2 SAMUEL 7:18

Cun kawn ah ghangpughang David cu Bawipa ah om nak phung kyong ah lut ne, ngo ne taigü ci, “Kei ah phäh ah na bi pyi gui cu kei awn kä khin kha ci nei, uktu Bawipa, ka kyongchang awn phi kä khin kha ci nei.