ATÜNNAK 32:10 - Cho Bible Common Language 2016

¹⁰ Na m’hni nak la na bekhüt nak cu kei changshäm awn kä khinkha ci nei. Cau kei naw Jordan tuinu cu ng’shopawng bäng awn ka kat lawk ci nei, cun ung phi tuhbäi chang bum hnih kami law lawk ci.

ATÜNNAK 32:10 Referans Kwoze

SAM 18:35

O Bawipa, na shungvong ne, na na hun ci; Na k’pat kut naw na bä khäk sak ne, Na huham nak naw na phyawn gai sak ci.

ATÜNNAK 24:27

“Bawipa cu m’hlüngtai nei, ka bawi Abraham ah Khanpughi naw, ka bawi ung shai ataak cu bekhüt ne k’pang ci nei. Bawipa naw kei cu ka bawi ah khochang gui ah na hteh püi ci nei” cik ci.

2 SAMUEL 7:18

Cun kawn ah ghangpughang David cu Bawipa ah om nak phung kyong ah lut ne, ngo ne taigü ci, “Kei ah phäh ah na bi pyi gui cu kei awn kä khin kha ci nei, uktu Bawipa, ka kyongchang awn phi kä khin kha ci nei.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

2 KORIN 12:11

Kei cu ak gu ah mäih ah ka kya lawk ci, cun cu nang mi ah na kyak sak ah kyak ci. Nangmi cu kei nak püi ciah nami kya khin te ci. Kei cu a i ah kä ka mawng pang ung phi, ang düihpüi ah nami k’bäi gui ah kä ka ng’neim pi khai.

LUKA 17:10

A cun ah mäih ah nangmi cun phi; ami ning bi sak gui avan nami bi yawp ung, “Keimi cu changshäm düt ah kami kyak ci, kami bi vai ah kyak ci cu, kami bi ah kyak ci nei, nami ci vai” ci ne m’cäi gui ci.

LUKA 5:8

Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

MIKHAH 7:20

Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.

ISAIAH 63:7

Bawipa ah kä shum ciah am hni nak cu kei naw ka pyen khai nei; Mikmi ah phäh ah abi gui avan ah hmawk ah kei naw ka m’hlüng tai ci nei. Ani naw a chimgein nak la a m’hni nak awn Israel chang gui cu bämang khai ah hriham pe gui ci.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

SAM 85:10

M’hni nak la bekhüt nak cu ng’chum ni ne, düng nak la dimdeeih nak cu ng’pawng khai goi nei.

SAM 84:7

Ngami cu gai law pi pi ne hteit ci gui; Ngami naw Zion mang gaw ung khanpughi gui ah Khanpughi cu hmuk khai gui nei.

SAM 61:7

O Khanpughi, nang ah ma ung ani naw uk lä sä; Na m’hni nak la na bekhüt nak awn shungvong ä.

SAM 16:2

Bawipa ka ning pyen nak ci, nang cu ka ning Bawipa nei; kei ung om ciah akni phung avan cu nang ungka lawk ci nei.”

SAM 8:5

Nang naw chang cu Khanpughi ah mä api hta ng’neim ba khai ah na tüi ci; hlüngtai nak la m’taam khah nak cu na k’bün ci.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

JOB 8:7

Na shum shäuh ah na khawh avan awn m’tumtäng ne kä gah vai ah Khanpughi naw ning pe ba khai nei.

THULÄÄN NAK 8:18

Bühmang law nak vai ah hriham ning pe gui ci cu, Bawipa nami Khanpughi ah kyak ci, cicu nami shüm ba vai. Ani naw shin ah bii bik ci, a i ah kyasei ci ung ani naw nami pupa gui ung abi ah thukhän cu tuhngawi güt ung abekhüt ah hmawk ah kyak ci.

ATÜNNAK 32:7

Jakob cu ang htei ah cäi ne ng’ä ci. A chang gui, a sei a me gui, la kalauk gui avan cu hnih ah k’pai ci.

ATÜNNAK 32:5

Kei naw seipat gui, ng’se laa gui, htawme gui, me gui la changshäm akda cu ka law püi ci nei. Saya aw, na na m’gein khai ah ngaih u ne, chang m’cäi ne ka tüi lawk ci nei” cine ng’cük lawk ci.

ATÜNNAK 30:43

Jakob cu ang htei ah ng’büh mang lawk ci. Ani ung htawme gui, kalauk gui, ng’se laa gui la changshäm gui akda om ci.

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

ATÜNNAK 18:27

Abraham naw, “Bawipa, kei cu m’dek khui la m’vut ah ka kyak ci. Nang ngawn kä ka khinkha ung phi, na m’gein ne ka ng’thu na ngaih pe ä.

2 SAMUEL 17:24

David cu Mahanaim pigaw ah gawk ci, cun yah ung Absalom la Israel gui cu Jordan tuinu kat ci gui.

ATÜNNAK 24:12

Ani naw, “Ka Bawi, Abraham ah Khanpughi, kei am näng nak na yuk pe ne, ka bawi am na shaitak kümbe sak ä.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 31:3

Cun kawn ah Bawipa naw ani am, “Na pupa na khui khaw ah na hteh ba vai nei, kei naw ka ning om püi khai nei” cine pyen nak ci.