ATÜNNAK 31:21 - Cho Bible Common Language 2016

²¹ Ani naw a khawh avan la ne, ang ghit ah hteit ne Euphratis tuinu kat ne, Kilead m’htung täng ah hteit ci.

ATÜNNAK 31:21 Referans Kwoze

2 GHANGPUGHANG GUI 12:17

Cun yah ung Siria ghangpughang Hazela naw Kath mang gaw cu tu ne khäm ci; cun kawn ah Jerusalem phi tuk khai ah k’bäi ci.

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

SUKI GUI 10:18

A cu ah chang gui la Israel pakhui gui ung ami ng’vai gui cu ami mät ng’thu u ne, “Ammonit gui awn ng’tuk law ung a u naw matawn khai ang? Matawn ciah chang cu Kilead khaw ung changpäng ah ng’vai ah kyak khai nei” cik ci gui.

THULÄÄN NAK 3:12

“Keimi naw cun khaw cu kami lak awn ah Reuben la Kad pakhui am Arnon tuinu pei ah Aroer gawnu ah asiip la Kilead khaw-gui ateih acun ung gawnu mah ah khopäng cu ka ap gui ci.

KHEI NAK 32:1

Reuben la Kad pakhui gui naw akda vuhchah ci gui. Ngami naw Jazer la Kilead khaw cu seipat vuh nak vai ah ang htei ah ni sei hmu u neta,

KHEI NAK 24:1

Tuhbäi ung Israel chang gui ani naw hriham a peik gui vai ah Bawipa naw ang yak hlü cu Balaam naw hmat lawk ci. Cun ah kyasei ani naw ayan ä ah mäih ah cängbang nak ung, kä hteit ba ci. Ani cu bungpup täng ah va mang neta,

ATÜNNAK 46:28

Jakob naw Judah cu Joseph ah tüi ma ne, Koshen ung a hmuh law gui vai ah m’thein sak ci. Ngami ami gawk ung

ATÜNNAK 37:25

Cun kawn ah ei ami ei yah ung Ishmaela ah chang bum gui cu tui ng’ui sing pli gui kalauk am k’phuih u ne, Kilead khaw ah kaa Egypt khaw ah hteit khai gui ah law u sei hmuk ci gui.

ATÜNNAK 31:23

Laban naw a chang gui khah püi gui ne, Jakob cu hnüüp chih ung k’täm neta, Kilead khomhtung ah k’pha ci.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

ATÜNNAK 2:14

Ak thum nak ah tuilawng cu Tikris ming nak ci; Assiria khaw hni law lam ung yu long ci. Ak phli nak ah tuilawng cu Euphratis ah kyak ci.

ATÜNNAK 31:20

Jakob naw a hteh ba vai ah mawng cu Laban am kä m’thein ne am yih ah kyak ci.

ATÜNNAK 31:22

Hnüüp thum a law kawn ah Jakob ah dawng cu Laban naw hmat tuk ci.

2 SAMUEL 24:6

Hittit khaw Gilead la Kadesh ah phi hteit ci gui. Cun ungka naw Dan ah hteit u ne, Dan ungka naw akhei lam Sidon ah hteit ci gui.