ATÜNNAK 31:2 - Cho Bible Common Language 2016

² Laban naw phi ayan nä ah mäih ah kä a ng’khawt sheng püi ba cu Jakob naw hmuk ci.

ATÜNNAK 31:2 Referans Kwoze

DANIEL 3:19

Nebukhadnezzar cu amlung kä üp hlawt sei Shadrak, Meshak la Abedneko ah khan ah m’lungshe neta a hmai sen ci. Cun ah kyasei ani naw a chang gui am, mei cu ak chih ah caang law pi khai ah cih sak gui ci.

ATÜNNAK 4:5

Cun ung phi Kain la a khawihnah nak cu kä dou ci. Cun ah kya khäta Kain cu a thang she sei m’lung k’she ci.

1 SAMUEL 19:7

Cun ah kyasei Jonathan naw David khü neta a päng m’thein ci, cun kawn ah Saul ah hteh püi ci, David cu ayan ah mäih ah ghangpughang ah bi bi ba ci.

ATÜNNAK 30:27

Laban naw, “Ka pyen hlü cu, Bawipa naw nang ung hriham ana pek cu ka hmat pyi ci nei.

THULÄÄN NAK 28:54

Ng’awigii pi ne aknipi ah ng’tüi ciah pami cu ami khaai gui yah ung ei cawi aih neta amät ah hta amshah cu ei khai, a i ah kyasei ci ung ani ung a ei vai kä om ci. Ani naw cun cu a phäi nau am, amhni ah akchu am, pawih ba ciah a hta gui am phi kä m’bei tu gui khai.

THULÄÄN NAK 19:4

Chang tumat naw aga ah kä kyak ciah chang acapka ah a ngawn ah a kyak ung, ani cu mang gaw tumat mat ung lut ne phyawng khai.

PHYAWN NAK 4:10

Cun ung phi Moses naw, “Ka nei, Bawipa aw, kä na tüi en ä, kei cu ng’thu thei ciah kä ka kyak ci, nang naw na na ng’thu püi yah ung phi kä ka ng’thu thei ci. Kei cu kä ng’thu hlawt ne, shokshü ne, am kha gih ciah ka kyak ci.

ATÜNNAK 31:1

Laban ah hta gui ah ami ng’thu Jakob naw ang yak ba cu, “Mi pa ah khawh gui nü cu Jakob naw la yawp ci nei. Ani ah khawh chaam gui avan cu mi pa ah kaa ungka ah kyak ci nei” ciah kyak ci.

ATÜNNAK 31:3

Cun kawn ah Bawipa naw ani am, “Na pupa na khui khaw ah na hteh ba vai nei, kei naw ka ning om püi khai nei” cine pyen nak ci.

ATÜNNAK 31:5

Ani naw ngami am, “Nami pa naw ayan kaa ah mäih ah kä a na m’hni ba cu ka hmat pyi ci, Cun ung phi kapa Khanpughi naw na om püi ci nei.