ATÜNNAK 30:43 - Cho Bible Common Language 2016

⁴³ Jakob cu ang htei ah ng’büh mang lawk ci. Ani ung htawme gui, kalauk gui, ng’se laa gui la changshäm gui akda om ci.

ATÜNNAK 30:43 Referans Kwoze

ATÜNNAK 30:30

Azan na khawh apihta te, tuhbäi da lawk ci. Bawipa naw kei ah bi nak ung hriham ning pek ci nei. Tuhbäi ka mät naw ka kyong khui pyang ne ka om vai a khin gawk lawk ci nei” cik ci.

ATÜNNAK 24:35

Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

ATÜNNAK 13:2

Abram cu htawme, me, seipat la ghui ngui gui awn büh mang ci.

THUSHÄUTU 2:7

Kei naw changshäm akda ka hleih ci, ka kyongkhui ung changshäm gui ah hta gui phi om ci. Jerusalem ung om tu man ciah chang gui ah tak man phung ah da pi ciah seime ka tak ci.

ATÜNNAK 33:11

Na bä ni, nang ah hmawk ah ka law püi ah shin gui cu na dou peä, Khanpughi naw a päng küm khai ah kei cu na m’gein ci nei” ci neta Esau naw kä a dou pha a chuih Jakob naw pek ci.

ATÜNNAK 32:10

Na m’hni nak la na bekhüt nak cu kei changshäm awn kä khinkha ci nei. Cau kei naw Jordan tuinu cu ng’shopawng bäng awn ka kat lawk ci nei, cun ung phi tuhbäi chang bum hnih kami law lawk ci.

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

ATÜNNAK 12:16

Ghangpughang naw cun ah hnumi ah phäh ah Abram cu khinchah na ne, htaw gui, me gui, vantang gui, sela gui, kala uk gui la changshäm gui akda cu pek ci.

EZEKIEL 39:10

Ngami naw lo yung ah sing kä shui khai gui. Bung ah sing ghing kä chuk khai gui, a i ah kyasei ci ung ngami ung mei ah ami cih büh vai likhim ami nawng shüt gui om ci. Ngami naw ngami tu gui ne guttep gui cicu tu tuba ne guttep tuba khai gui.” Uktu Bawipa naw a pyen nei.

ATÜNNAK 31:42

Kapa ah Khanpughi, Abraham la Isaak ah Khanpughi naw, kei kä a na om püi vai sü ung nang naw kei cu ka k’plui ah na na gawt ba khai süte nei. Khanpughi naw ka bilawh la ka yaica cu hmuh neta, zanmü nang cu a ning k’dee ah kyak ci nei.

ATÜNNAK 36:7

Cun ah a khaw hei ah a hteh a mawng cu amät la Jakob ah om nak vai ah ami khaw ang ceet law ah hmawk ah kyak ci. Ngani cu ami seime da law aih sei a täng ah kä om ba hlawt khai goi ah kyak ci.

LUKA 12:45

Cun ung phi cun changshäm khawngmang cicu ka bawipa kä law ba yäk khai cine ngai ne, abü bü ei-aw ne ak changshäm hnumi pami gui, m’ghuih teeuh gui ne a kyak ung,

ATÜNNAK 30:42

Cun ung phi kä gai veih ciah htawme gui ah ma ah sing ng’ban gui cu kä m’shän ci. Cun ah kyasei kä gai veih ci gui cu Laban ah kaa ah kya ne, gai ci avan cu Jakob ah kaa ah kyak ci.

ATÜNNAK 31:1

Laban ah hta gui ah ami ng’thu Jakob naw ang yak ba cu, “Mi pa ah khawh gui nü cu Jakob naw la yawp ci nei. Ani ah khawh chaam gui avan cu mi pa ah kaa ungka ah kyak ci nei” ciah kyak ci.

ATÜNNAK 32:5

Kei naw seipat gui, ng’se laa gui, htawme gui, me gui la changshäm akda cu ka law püi ci nei. Saya aw, na na m’gein khai ah ngaih u ne, chang m’cäi ne ka tüi lawk ci nei” cine ng’cük lawk ci.

ATÜNNAK 32:14

me akhik phia goi, ak hla m’ku,