ATÜNNAK 30:22 - Cho Bible Common Language 2016

²² Cun kawn ah Khanpughi naw, Rachelah cu shüm ba ne, a taigü cu ngaih pe neta, a hta vai cu pek ci.

ATÜNNAK 30:22 Referans Kwoze

ATÜNNAK 29:31

Leah cu acei naw kä a m’hni tu cu Bawipa naw hmat neta, a hta vai pek ci, Rachelah cu kä hta ci.

ATÜNNAK 8:1

Khanpughi naw htinpaw im kyong ah om ciah Noah la ak ghing gui avan cu ngaih na gui neta, khokhi sak sei, tui cu ng’düm lawk ci.

SAM 113:9

Kä hta ciah hnumi cu amät ah im ung chang m’sui ne, hta nak vai pe ne yeikyai sak ci. Bawipa cu m’taam nei!

ATÜNNAK 30:2

Jakob naw, “Kei naw Khanpughi ah hnün ung om ne kä ka bi hning ci, nang na hta vai cu Khanpughi bäng naw bi hning ci” cine m’lung she ci.

SAM 127:3

Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

SAM 105:42

Ani naw a changshäm Abraham am ng’ciim ciah a shaitak cu shüm ba ci.

ATÜNNAK 25:21

Rebekka cu kä hta khäta, Isaak naw Bawipa ah taigü pek ci. Bawipa naw a taigü ngai sei Rebekka cu kämah lawk ci.

ATÜNNAK 30:21

Cun kawn ah hnumi hta ah hta ba ne, Dinah ah a ming sui ci.

ATÜNNAK 35:24

Rachela ah hta goi cu, Joseph la Benjamin ah kyak ci.