ATÜNNAK 30:20 - Cho Bible Common Language 2016

²⁰ Ani naw, “Khanpughi naw akni pi ana pek nei, chang chuk ah ka hta ci kyasei, tuhbäi ka cei naw na khäm khai nei” ci neta a ming cu Zebulun ah sui ci.

ATÜNNAK 30:20 Referans Kwoze

MATTHE 4:13

Ani cu Nazaret kho ung kä om ne, Zebulun la Nahtali kho ah ng’lak Kalile tuili pei, Kapernaum gawnu ah hteit ne om ci.

ATÜNNAK 49:13

Zebulun cu tuinu kem pei ah om khai. Atui kem cu htinpaw gui ah ng’düm nak ah khaw ah kyak khai. Ani ah khopäng cu Sidon khaw ah khüt khai.

ATÜNNAK 35:23

Leah ah hta gui cu Reuben (angvaipi), Simeon, Levi, Judah, Issakha, la Zebulun ah kyak ci.

SAM 68:27

Ak htük bäih ah Benjamin, akyaw pi bäih pakhui lawk ci, cun kawn ah Judah ng’vai gui, cun ah hnu ah Zebulun la Naphtali ami ng’vai gui naw läk lawk ci gui.

SUKI GUI 5:14

Ngami cu Ephraim ungka khaw nawi ah lawk ci gui, Benjamin pakhui la ak chang gui ah hnu ah läk lawk ci gui. Gabawi gui cu Machira ungka lawk ci gui, Bawi gui cu Zebulun ungka lawk ci gui.

SUKI GUI 4:10

Barak naw Zebulun la Naphtali pakhui chang phia phia cu khü ne Kedesh ah hteh püi ci, Deborah cu ngami awn a täng ah hteit tuk ci.

ATÜNNAK 46:14

Zebulun la a hta gui; Sered, Elon la Jahleela.

ATÜNNAK 30:15

Leah naw, “Ka cei na na guh pek ah kä na ng’büh ne ma? Ka hta ah sing theih mä na na gut ba khai ma?” ci nak ci. Rabekka naw, “Na hta ah sing theih cu na na pek tu ah a kyak ung, tuh mü Jakob awn na ni ip khai” pyen nak ci.

ATÜNNAK 29:34

Ani cu kämah ba ne hta ba mä neta, “Pami thum ah ka hta pyi ci kyasei, tuhbäi ka cei naw na om püi khai nei” ci neta a ming cu Levi ah sui ci.

ATÜNNAK 30:19

Leah cu kämah ba ne ak chuk nak pami ah Jakob awn hta ba ci goi.

ATÜNNAK 30:21

Cun kawn ah hnumi hta ah hta ba ne, Dinah ah a ming sui ci.

ATÜNNAK 34:12

Nami ng’yak hlü na m’thein vä, maan phi nami pyen ah ka ng’lo khai nei. Nami hta hnumi awn nami na ng’pui khah sak ah khoi ung a i phi nami pyen päng ka ning pe gui khai nei” cine pyen ci.

PHYAWN NAK 22:17

A chu nak vai cu hnumi ah pa naw kä a yum ah a kyak ung, ng’lami ah man chü apa am a pek vai.

1 SAMUEL 18:25

cun kawn ah Saul naw David am ami m’thein ba vai ah ak bäi ba gui cu, “Nang naw na pek vai ah m’cümhnah nak ghangpughang naw ang yak hlü avan cu, Philistin changsi phia ah yang m’dawng gui ah kyak ci, cun cu a ga gui ung phu a tuknak ah kyak ci.” (Cun cu Philistin gui naw David ami ngawn vai ah Saul naw abi ah kyak ci.)

THULÄÄN NAK 27:13

Plah taam nak ami ng’shäu yah ung, shin ah pakhui gui cu Ebala M’htung khan ah ami ng’düih vai: Reuben, Kad, Asher, Zebulun, Dan, la Naphtali.