ATÜNNAK 30:2 - Cho Bible Common Language 2016

² Jakob naw, “Kei naw Khanpughi ah hnün ung om ne kä ka bi hning ci, nang na hta vai cu Khanpughi bäng naw bi hning ci” cine m’lung she ci.

ATÜNNAK 30:2 Referans Kwoze

ATÜNNAK 16:2

Cun ah kyasei ani naw Abram am, “Bawipa naw ka hta vai kä na pek ci, changshäm hnumi hta cu na ih püi vai, ani ung a hmaw ng’tüi hman hngaw khai nei” cine pyen nak ci. Abram naw Sarai ah pyen cu yum ci.

SAM 127:3

Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

2 GHANGPUGHANG GUI 5:7

Israel ghangpughang naw ca cu phat neta, a sui cu teek ne, “A hawcha ah shin ah chang kei naw ka gai sak vai ah Siria ghangpughang naw ngaih u ci ang? Kei cu sih nak la ghin nak ah huham awn om ciah Khanpughi ah na ngai ne ang? Shin cu kei a na ghüh hlawh tu ah kyak ci nei” cik ci.

1 SAMUEL 1:5

Ani naw Hannah cu m’hni aih ne, bum ät a pek pang ung phi, Bawipa naw ani cu kä hta sak ci.

ATÜNNAK 50:19

Joseph naw, “Kä nami kyih vai, kei cu Khanpughi ah hnün ung kä ka om ci.

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

SAM 113:9

Kä hta ciah hnumi cu amät ah im ung chang m’sui ne, hta nak vai pe ne yeikyai sak ci. Bawipa cu m’taam nei!

PHYAWN NAK 32:19

Moses cu ami om nak hmun pei ah gawk law ne, vantang ah gup la ng’lam ciah chang gui cu hmu gui neta, m’lungshe ci. M’htung nawi ah gawk law neta, a kawh law ah lung phe goi cu ghawt ne payak sak ci.

ATÜNNAK 31:36

Jakob naw m’lungshe neta Laban akshe nak cu, “Kei naw a i katnak bi ngä sei ang, a i thukhän ka m’shet ah phäh ah ang, shin hlawk ah nget ne, na na k’täm law ve?

ATÜNNAK 29:31

Leah cu acei naw kä a m’hni tu cu Bawipa naw hmat neta, a hta vai pek ci, Rachelah cu kä hta ci.

ATÜNNAK 25:21

Rebekka cu kä hta khäta, Isaak naw Bawipa ah taigü pek ci. Bawipa naw a taigü ngai sei Rebekka cu kämah lawk ci.

LUKA 1:42

“Nang cu hnumi gui nüng ung hlüngtai nak om pi bäih ci, na hta law nak vai ah ak hmaw cun phi hlüngtai nak om ci!