ATÜNNAK 3:8 - Cho Bible Common Language 2016

⁸ Cun ah mühun ung dum ah kyong ah Khanpughi a law cu ng’ya ni neta, ngani cu sing ghing hmu ah ng’thup ci goi.

ATÜNNAK 3:8 Referans Kwoze

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

NG'THU K'THUUK~ 15:3

Bawipa naw a hawi, a i ah kyak ci cicu hmuk ci, ani naw na ngang gui ci, akni akaa mi bi cu na teng gui gi.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

ROMAN 2:15

Thukhän ah pyein gui cu ami m’lung kyong ung guk ah mäih ah ami om ih naw m’dang ci. Ami m’lung kyong ung phi cun cu ng’düng ci ciah m’dang ci. Ami m’lung ngaih naw ak hngü ät m’kat gui ne, ak hngü ät k’bää gui ci.

ATÜNNAK 3:10

Chang naw, “Dum ah kyong ah na law cu ka ng’yak ci nei; kei cu ka k’plui ah ka om ci kyasei kyi ne, ka ng’thup ci nei” cine m’shang ci.

JONAH 1:3

Cun ung phi Jonah cu pawng ne Bawipa hnu na ne a lam hei ung hteit ci. Ani cu Joppa ah hteit ci, cun kawn ah Spain ah hteit khai ah htinpaw cu hmuk ci. Ani naw htinpaw ah ang khah pe ne ngami awn atäng ah hteit tuk ci. A cu ah ani cu Bawipa awn ang shawng vai ah phäh ah kyak ci.

JOB 31:33

Chang ahei gui naw ami katnak k’tha na ne thup u sei phi, Kei naw ka katnak kä ka thup man ci nei.

JOB 38:1

Pui khokhi awn Bawipa naw Joba cu ng’thu püi ci.

THULÄÄN NAK 23:14

Nami phung cu nami theingthap sak vai, a i ah kyasei ci ung Bawipa nami Khanpughi cu nangmi awn a täng ah nami shaum pigaw ung om ci, ning shungvong gui ci, nami ga gui ah khan ah näng nak ning pe gui ci. Bawipa nangmi ungka a ning hlah tak gui vai ah kyak sak ciah kä ninum cicu kä nami bi phung vai.

THULÄÄN NAK 5:25

Cun ung phi a i ah kyasei ang mikmi mi sih ba mä kaw? Kyih vai ah mei naw na m’di gui gui khai nei. Bawipa mi Khanpughi naw na ng’thu püi ba gui sei ming yak ah a kyak ung mikmi mi sih vai ng’hteicha ci nei.

THULÄÄN NAK 4:33

Khanpughi naw mei ungka naw a ning thu püi gui kawn ung nami om ah mäih ah om ciah chang om man ne ang?

JOB 22:14

Ani khomik ung a hteh sang ung khong mei shah naw kä hmuh hlawt vai ah shung ciah nami ngai ci.

THU PHLAAN 6:15

Cun ah kya khätah, m’dek khan ung ghangpughang gui, uk ciah mang gui, gakaap bawi gui, bühmang ci gui, hlüngtai ci gui, la khleihtein gui, khuimah gui chang avan cu lung khui gui la khomhtung khan lung k’song gui ung ng’thup yawp ci gui.

ATÜNNAK 18:33

Abraham awn ani ng’thu yawp kawn ah Bawipa cu kai ba ci, Abraham phi im ah hteit ba ci.

TAIGÜTHUM 26:12

Kei cu nangmi awn a täng ah ka om khai; kei cu nami Khanpughi ah ka kyak khai, nangmi cu kei ah chang ah nami kyak khai.

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.