ATÜNNAK 3:6 - Cho Bible Common Language 2016

⁶ Cun ah am theih cu kyom ne, ei hlü vai kya ne, cüivai nak vai kyak ciah hnumi naw hmu neta, k’bit ne ei ci, a cei am phi m’bei tu sei, a cei naw phi ei tuk ci.

ATÜNNAK 3:6 Referans Kwoze

1 JOHAN 2:16

M’dek khan ng’yak hlü gui ah kyak ciah shetkat nak awn ng’yak hlü nak, mik awn hmu ne yak hlü nak, khähghah läma nak gui cu Pa Khanpughi ung ka lawk ciah kä kyak ci, khomdek khan ungka lawk ciah kyak ci.

1 TIMOTHI 2:14

Hmühma nak gah law ma cicu Adam ah kä kyak ci, hnumi ah kiak ci, Ani naw Khanpughi ah thukhän cu shetkat sak ci.

2 SAMUEL 11:2

Hnüüp ät ung khaw k’awi nu ung; David cu ang yän nak ungka tho law ne, mang im k’cih khan ah hang kai ci. Ani cu hteit shüi neta tui ng’si ciah hnumi cu hmuk ci. Ani cu ang htei ah kyom ci.

JOSHUA 7:21

Mi pha ah khawh gui ungka, Babilonian suinu akiom ng’yung ät, ngui pit goi, ghui tawn apit ah vang cu ka hmuk ci. Kei naw cun gui cu ng’ya hlü aih neta ka lak ci nei. Ka phung ah akyong täng ah ka phuh cu nami hmuk khai nei, ngui cu ak um ung om khai nei.”

HOSEA 6:7

“Cun ung phi Adam khonglei ung ami luh law vai am kei naw ngami awn ka bi ah thukhän cu m’shet ci gui.

ATÜNNAK 6:2

Khanchang gui amshah naw cun ah hnumi hta gui kyom u sei hmu gui u neta, ami m’hni phäh phäh chu na ne om püi ci gui.

EZEKIEL 24:25

Bawipa naw pyen ci, “Tuhbäi hnicim chang, khäng htek ciah Taigüim, ngami ah ami khäh ghah nak la ami yeikyai nak, ami teng hlü, ami hteh nak hlü cu, ngami ung ka kei naw ka lak khai. Ami hta pami gui la ami hta hnumi gui phi kei naw ka lak khai.

EZEKIEL 24:16

Ani naw pyen ci, “Hnicim chang, nang naw na m’hni pi k’bäih ah chang cu kei naw ang ghit ah ka lak khai. Nang cu ng’thu kä na m’da vai, kä na kyah vai, na ng’phli tui kä na chak vai.

MATTHE 5:28

Cun ung phi tuhbäi kei ah pyein cu, “Ng’yak nak hlü ah m’lung awn hnumi tumat cu nami teng ah a kyak ung, nami m’lung kyong ah acun ah hnumi awn katnak nami bi pyii ci.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

ATÜNNAK 39:7

Cun ah kyasei a bawi ah chu naw Joseph cu m’hni law neta, ni pi khai cine khü ci.

ATÜNNAK 3:17

Ani naw pami am phi, “Na chu ah ng’thu na ngai ci, kä ei vai ka ciah sing theih na ei ci. Cun ah nang naw na bi ah hmawk ah khomdek cu taam nak gah ci. Na ghin nak chuih cümbawng ne bii bi neta, khomdek ah m’theih pai cu na ei khai.

ATÜNNAK 3:12

Chang naw, “Nang naw na law püi ah hnumi naw sing theih cu na pe sei ka ei ci nei” pyen ci.

JOB 31:1

Kei naw a i yah ung phi hnumi hta cu ng’yak hlü nak awn kä ka teng khai ah shaitak ka bik ci nei.

SUKI GUI 14:17

Ani cu mang-ei pawi ah hnüüp chih pum ung cun ah phäh ah kyap ci. A hnüüp chih hnüüp ung, akchu naw naksou na aih khäta, thuzi ah mawng cu m’thein ci. Cun kawn ah akchu naw Philistin gui am m’thein gui ci.

1 GHANGPUGHANG GUI 13:19

Cun ah kyasei Judah ah prophet cu prophet ghipa ah im ah hteit tu ne, ani awn a täng ah ei ei tuk ci.